Christine Bakundufite

BAKUNDUFITE Christine ni umunyarwandakazi wavutse ku itariki ya 29 Nzeri 1970 mu Rwanda ,akaba ari n'umunyapolitiki. Kugeza ubu ni umwe mu bagize Inteko ishinga amategeko mu mutwe w’abadepite bo mu Rwanda akaba ahagaririye mu Karere ka Gatsibo mu Ntara y’Iburasirazuba.

BAKUNDUFITE yatorewe kuba umwe mu bagize inteko ishinga amategeko mu mwaka wa 2018. Yabanje gukora nk'umuyobozi w'ikigo mukuru w'ikigo cy'amashuri, yabaye umucungamari, ndetse mu mirimo ye yari nk'inzobere mu ibaruramari.

Amashuri

Bakundufite afite impamyabumenyi y'icyiciro cya gatatu cya kaminuza mu ishami ry'imiyoborere y'ubucuruzi.

Imirimo y'ingenzi

• Guhera mu mwaka wa 2018 kugeza na nubu:Ni umwe mu bagize inteko ishinga amategeko y'u Rwanda umutwe w'abadepite.
• Kuva mu mwaka wa 2012 kugera mu mwaka wa 2018: yabaye umucungamari wihariye w'ikigo cy'igihugu gishinzwe kohereza mu mahanga ibikomoka mu buhinzi mu ishami rishinzwe igenabiciro NAEB/PRICE.
• Kuva mu mwaka wa 2011 kugeza mu mwaka wa 2012: yari ahinzwe ingengo y'imari mu kigo cy'igihugu gishinzwe kohereza mu mahanga ibikomoka mu buhinzi cyizwi nka NAEB.
• Kuva mu mwaka wa 2005 kugera mu mwaka wa 2011: yakoze nk'umucungamari mu kigo cya OCIR – CAFÉ.
• Guhera mu mwaka wa 2003 kugeza mu mwaka wa 2005: Yabaye umuyobozi mukuru w'ikigo cy'amashuri cy'urwunge rwa Bumba (Groupe Scolaire Bumba).