Canal Olympia Rebero

Ni ikigo kiberamo ibikorwa by'imyidagaduro bitandukanye birimo kwerekana filime, ibitaramo n'imikino itandukanye. Cyamuritswe ku mugaragaro ku italiki 06 Ukuboza 2020. Giherereye mu Mujyi wa Kigali, Akarere ka Kicukiro, Umurenge wa Gatenga mu kagali ka Nyarurama mu mudugudu wa Rebero. Umuyobozi w'iki kigo yitwa Aimée Umutoni.

Inkomoko y'umushinga

Kubaka iki kigo cya canal Olympia Rebero byari bikubiye mu masezerano Vivendi Group yasinyanye n'urwego rw'igihugu rw'iterambere RDB, yo gushora imari mu mushinga uzwi nka Kigali Cultural Village (KCV) no kuwubyaza umusaruro.

Imiterere y'ikigo

Iki kigo gifite inyubako ifite imyanya 300 y'abantu bicaye neza, yerekanirwamo filime.

Ifite ahantu hagari habera ibitaramo hakwakira abantu ibihumbi 15.

Iki kigo gishobora no kwakira inama.

Iki kigo gifite ibibuga bya minifoot na minigolf.

Iki kigo gifite urubuga rw'imikino itandukanye y'abana.

Iki kigo gifite ahantu hatandukanye hakifashishwa na sosiyeti zitandukanye zishaka kuhakorera ikiganiro n'abanyamakuru cyangwa ikindi gikorwa runaka.

Ibindi bikorwa by'imyidagaduro

Iki kigo gifite umwihariko w'umukino witwa Escape Game, ugenekereje mu kinyarwanda ni umukino wo gutoroka cyangwa kurokoka, ukaba ukinwa mu itsinda ry'abantu bari hagati ya babiri na batanu, umukinnyi wemerewe gukina uyu mukino aba afite imyaka iri hagati ya cumi n'itatu kuzamuka.

Ni umukino utangira umukinnyi ari mu bihe by'aha hise mu mwaka wa 1970 ku itariki ya 4 Kanama, ari mu bitaro bivura indwara zo mu mutwe bya Nsanga Psychiatric Center, umuganga witwa Dr. Rurangwa aba agiye kumuhindura mu mubiri we ku buryo ubuzima bwo mu mutwe abwangiza, umukinnyi aba asabwa gucika ibyo bitaro.

Umwihariko w'ikigo mu kurengera ibidukikije

Iki kigo gifite umwihariko w'uko muri buri bikorwa byabo byose, bazajya bakoresha ingufu zikomoka ku mirasire y'izuba, mu rwego rwo kwirinda kwangiza ibidukikije no gukoresha neza ingufu.