Bruce Melodie

From Wikipedia
Jump to navigation Jump to search

Itahiwacu Bruce uzwi nka Bruce Melodie ni umwanditsi w'indirimbo n'umuririmbyi w'umunyarwanda.

Amateka[edit | edit source]

Ubuzima bwe n'amashuri yize[edit | edit source]

Bruce Melodie yavutse mu 1992, avukira i Kanombe. Se yitwa Gervain Ntibihangana na nyina akitwa Velene Muteteri. Ni umwana wa kabiri mu muryango w’abana bane. Amashuri abanza yayize ku kigo cyitwa Camp Kanombe, i Kanombe. Amashuri yisumbuye yayatangiriye i Kanombe kuri EFOTEC, ayarangiriza kuri Islamique i Rwamagana.

Urugendo rwe mu muziki[edit | edit source]

Bruce Melodie yakuze aririmba mu rusengero rw’abarokore i Kanombe, yabahimbiraga indirimbo ariko bakaziha abandi bakaba ari bo bazitera. Ntabwo bamuhaga umwanya wo kwigaragaza. Ibyo byaramubabaje bituma ava muri korari. Nyuma yaje kujya muri studio mu 2006, ku umuntu producer Jackson Daddoey ariko iyo ndirimbo ntabwo yigeze irangira. Ibyo byatumye akomeza gucika intege ndetse asa n’uretse umuziki. Yasubiye muri studio mu 2010, akora indirimbo yitwa “Inkovu” ariko kubera amasomo ntabwo yabonye umwanya wo kuyamamaza cyane ngo imenyekane. Yaje gusubira muri studio mu 2011, akora indirimbo yitwa “Ngiye Kubivuga”, nyuma aza gukora “Tubivemo” ayikorewe na Producer Fazzo[1]. Indirimbo ''Tubivemo'' niyo yatumye amenyekana[2].

Mu mwaka wa 2017, Bruce Melodie yabaye umuririmbyi wa mbere witabiriye ibitaramo bitegurwa na Coke Studio aho yahuriye na abandi bahanzi bo mu bihugu bitandukanye bya Afurika[3].

Ibihembo Bruce Melodie yahataniye[edit | edit source]

Umwaka Igihembo Ikiciro icyahatanye Ibisubizo Aho Byakuwe
2014 Ibihembo bya Salax Umuhanzi mwiza wa RnB Bruce Melodie Yaracyegukanye [4] [5]
2017 Ibihembo bya HiPipo Indirimbo y'umwaka (Rwanda) Turaberanye Yaratowe [6]
2018 Ibihembo bya Primus Guma Guma Super Star Umuhanzi mwiza Bruce Melodie Yaracyegukanye [7]
2019 Ibihembo bya Salax Umuhanzi mwiza wa RnB Bruce Melodie Yaracyegukanye [8]
2019 Ibihembo bya Salax Umuhanzi mwiza w' umugabo Bruce Melodie Yaracyegukanye [8]
2019 Ibihembo bya Kiss Summer Umahanzi mwiza Bruce Melodie Yaracyegukanye [9]
2019 Ibihembo bya HiPipo Indirimbo ifite amashusho meza Blocka Yaracyegukanye [10]
2020 Ibihembo bya Kiss Summer Indirimbo yúmwaka Saa moya Yaratowe [11]
2020 Ibihembo bya Kiss Summer Umuhanzi mwiza Bruce Melodie Yaracyegukanye [11]

Reba[edit | edit source]

  1. https://igihe.com/imyidagaduro/muzika/abahanzi/bruce-melodie/biography-24206
  2. http://ninyampinga.com/sections/amakuru-yabo/twaganiriye-na-bruce-melody/
  3. https://www.newtimes.co.rw/section/read/217445
  4. http://igihe.tv/imyidagaduro/salax-awards-ku-nshuro-ya-gatandatu-yitabiriwe-n-abantu-mbarwa.html
  5. https://www.kigalitoday.com/imyidagaduro/muzika/Salax-Awards-ntiyitabiriwe-cyane-ugereranije-na-mbere
  6. https://bigeye.ug/hipipo-music-awards-heres-full-list-winners/
  7. https://www.newtimes.co.rw/lifestyle/bruce-melodie-reveals-secret-behind-winning-primus-guma-guma-show
  8. 8.0 8.1 https://www.musicinafrica.net/magazine/salax-awards-rwanda-2019-all-winners
  9. https://inyarwanda.com/inkuru/93370/abegukanye-ibihembo-bya-kiss-summer-awards-2019-batangajwe-amafoto-93370.html
  10. https://regionweek.com/the-final-list-of-the-hipipo-music-awards-winners-8th-edition/
  11. 11.0 11.1 https://www.newtimes.co.rw/entertainment/who-won-what-kiss-summer-awards-2020