Akarere ka Huye

Ikarita y’Akarere ka Huye

huye

Akarere ka Huye

Kamwe mu turere tugize u Rwanda

Uturere tw’u Rwanda

Country	Rwanda
Located in the admi­nis­tra­ti­ve ter­ri­to­rial entity	Intara y'amajyepfo
Coor­di­na­te location	2°31′0″S 29°42′0″E
Popu­la­tion	381900
Area	581.5 km²

Ibiro by 'akarere ka Huye

Akarere ka Huye ni kamwe mu turere umunani tugize Intara y’Amajyepfo mu Rwanda. Akarere ka Huye gahana imbibi n' akarere ka Nyanza (Amajyaruguru) akarere ka Nyaruguru (Amajyepfo), akarere ka Nyamagabe (Iburengerazuba) n' akarere ka Gisagara (i Burasirazuba).

Akarere ka Huye kazwi na none kuba gafite inzu ndangamuco y'u Rwanda. Ni mu karere ka Huye kandi dusanga amahoteri menshi mu gace kahoze kitwa Butare.

Umujyi w'akarere ka Huye ni umwe mu mijyi yunganira umujyi wa Kigali.

ubukungu

Ubukungu bw' akarere ka Huye bushingiye ku buhinzi n'ubworozi, ubukerarugendo, ubucuruzi n'inganda.

Mu buhinzi, mu karere ka Huye hera ibihingwa ngandurarugo (ibishyimbo, ibigori, urutoki, Umuceri n'ibindi); mu bihingwa ngengabukungu mu karere ka Huye hera igihingwa cya kawa ni na ho dusanga Ikawa ya Maraba yamamaye mu ruhando mpuzamahanga. Mu karere ka Huye uhasanga ibikorwa by' ubukerarugendo nk' ingoro ndangamurage ( Musee), Ibisi bya Huye, ishyamba ry’Arboretum, amahoteri n’ibindi.

Akarere ka Huye ni ho hari igicumbi cy'uburezi  kuko mu karere ka Huye  tuhasanga kaminuza n'amashuri makuru 5 [ Kaminuza y’u Rwanda Ishami rya Huye, IPRC South, Catholic University of Rwanda -CUR, Protestant Institute of Art and Social Sciences - PIASS na Seminari Nkuru ya Nyakibanda]. Mu karere ka Huye hari amashuri yisumbuye 50 n' amashuri abanza 100.

Huye

Mu karere ka Huye tuhasanga ibitaro bya Kaminuza CHUB, ibitaro by' akarere ka Huye bya Kabutare, amavuriro yigenga 3, Farumasi 17 n'ibigo nderabuzima 16.

Izina ry' Ubutore : Indatirwabahizi

Imiterere y’akarere ka Huye

Aka karere gafite ubuso bwa kilometero kare 581.5 kandi kagatuwe n’abaturage 288,203. Kagizwe n’imirenge 14, utugari 77 n’imidugudu 508. Ubucucike bw’abaturage bugera ku bantu 495.6 kuri kilometero kare imwe. Mu Mudugudu wa Gafumba habarurwa amazu 882, agaragaza imiturire n’iterambere ry’abaturage muri uwo mudugudu.

imirenge igize aka karere

Kagizwe n’imirenge 14, ariyo:

• Gishamvu
• Huye
• Karama
• Kigoma
• Kinazi
• Mbazi
• Mukura
• Ngoma
• Rusatira
• Rwaniro
• Simbi
• Tumba
• Maraba
• Ruhashya

Umurenge wa Gishamvu

1. Sholi
2. Nyakibanda
3. Ryakibogo
4. Nyumba

Umurenge wa Huye

1. Muyogoro
2. Sovu
3. Nyakagezi
4. Rukira

Umurenge wa Karama

1. Kibingo
2. Bunazi
3. Muhembe
4. Gahororo
5. Buhoro

Umurenge wa Kigoma

1. Musebeya
2. Rugarama
3. Shanga
4. Kabatwa
5. Nyabisindu
6. Karambi
7. Kabuga
8. Gishihe

Umurenge wa Kinazi

1. Gitovu
2. Gahana
3. Byinza
4. Sazange
5. Kabona

Umurenge wa Maraba

1. Shanga
2. Kabuye
3. Kanyinya
4. Gasumba
5. Shyembe
6. Buremera

Umurenge wa Mbazi

1. Rugango
2. Kabuga
3. Gatobotobo
4. Rusagara
5. Mutunda
6. Tare
7. Mwulire

Umurenge wa Mukura

1. Bukomeye
2. Rango A
3. Icyeru
4. Buvumu

Umurenge wa Ngoma

1. Matyazo
2. Butare
3. Kaburemera
4. Ngoma

Umurenge wa Ruhashya

1. Mara
2. Ruhashya
3. Busheshi
4. Muhororo
5. Rugogwe
6. Gatovu
7. Karama

Umurenge wa Rusatira

1. Mugogwe
2. Gafumba
3. Kimuna
4. Kimirehe
5. Kiruhura
6. Buhimba

Umurenge wa Rwaniro

1. Nyaruhombo
2. Shyunga
3. Nyamabuye
4. Kibiraro
5. Mwendo
6. Gatwaro
7. Kamwambi

Umurenge wa Simbi

1. Gisakura
2. Kabusanza
3. Mugobore
4. Cyendajuru
5. Nyangazi

Umurenge wa Tumba

1. Cyarwa
2. Rango B
3. Gitwa
4. Cyimana
5. Mpare

Amashakiro

• www.huye.gov.rw