Umurenge Sacco Kigabiro

Umurenge SACCO Kigabiro, ni koperative y'abaturage b'Umurenge wa Kigabiro mu Akarere ka Rwamagana mu Ntara y'Iburasirazuba bw'u Rwanda. Iyi koperative yahawe ubuzima gatozi n'Umuyobozi w’Ikigo cy’Igihugu gishinzwe guteza imbere Amakoperative RCA ashingiye ku ibaruwa ya perezida wa koperative yo kuwa 09 Werurwe 2010.

Amateka

Icyemezo No RCA /467/2010 cyo kuwa 29/03/2010 giha ubuzimagatozi «Imboni Kigabiro Savings and Credit cooperative» (IMBONI KIGABIRO SACCO)

Umuyobozi w’Ikigo cy’Igihugu gishinzwe guteza imbere Amakoperative; Ashingiye ku Itegeko no 50/2007 ryo kuwa 18 Nzeri 2007 rigena ishyirwaho, imiterere n’imikorere y’Amakoperative mu Rwanda, cyane cyane mu ngingo yaryo ya 23, igika cya 3; Ashingiye ku Itegeko no 16/2008 ryo kuwa 11/06/2008 rishyiraho Ikigo cy’Igihugu gishinzwe guteza Imbere Amakoperative, cyane cyane mu ngingo yaryo ya 3, igika cya 2;

Ingingo ya 1

Ingingo ya mbere: IMBONI KIGABIRO SACCO ifite icyicaro i Cyanya, Umurenge wa Kigabiro, Akarere ka Rwamagana, Intara y’Iburasirazuba, ihawe ubuzimagatozi.

Ingingo ya 2:

IMBONI KIGABIRO SACCO igamije guteza imbere abanyamuryango ibafasha kwizigamira no kubona inguzanyo. Ntiyemerewe gukora indi mirimo inyuranye n’iyo iherewe ubuzimagatozi, keretse ibanje kubisaba ikanabiherwa uburenganzira.

Ingingo ya 3:

Iki cyemezo kigira agaciro guhera umunsi cyatangarijweho mu Igazeti ya Leta ya Repubulika y’u Rwanda.

Intego

IMBONI KIGABIRO SACCO igamije guteza imbere abanyamuryango ibafasha kwizigamira no kubona inguzanyo. Ntiyemerewe gukora indi mirimo inyuranye n’iyo yaherewe ubuzimagatozi, keretse ibanje kubisaba ikanabiherwa uburenganzira na leta.