Anne-Marie Goumba

Anne-Marie Goumba (wavutse ku ya 9 Ukwakira 1954), ni umwe mu bagize Inteko ishinga amategeko ya Repubulika ya Centrafrique kandi ni umwe mu bagize Inteko ishinga amategeko ya Pan-Afurika kuva muri Repubulika ya Centrafrique . Ni umupfakazi wuwahoze ari umunyapolitiki muri Repubulika ya Centrafrique Abel Goumba .

Ubuzima bwo hambere

Anne-Marie Mbakondo yavutse ku ya 9 Ukwakira 1954 i Nyanza, mu Rwanda . Yabanje kwiga amashuri makuru muri École Normale Supérieure i Save, mu Rwanda, mbere yo gukomeza kwiga muri Université Catholique d'Afrique Centrale . Nyuma yaje gukora umurimo wo kwigisha nka mwarimu mu ishami ry’ubuvuzi rya Butare hagati ya 1973 na 1977. Agezeyo, yahuye na Abel Goumba, na we wari umwarimu ku bibazo by'ubuzima rusange, nyuma amugira umugore.

Umwuga wa politiki

Umugabo we yari amaze igihe kinini avugurura ibya politiki muri Repubulika ya Centrafrique, yashinze icyaje guhinduka ishyaka rya Patriotic Front for Progress. Na we yashyigikiye imirimo ya FPP, kandi ahagarara mu matora rusange yo muri Repubulika ya Centrafrique ya 2005 maze atorerwa kuba umudepite mu karere ka gatanu ka Bangui namajwi 37.32% mu matora yo ku ya 8 Gicurasi. Muri ayo matora , umugabo we ntiyabashije gutsinda. Amaze kujya munteko ishinga amategeko ya Repubulika ya Centrafrique, yatowe nk'uhagarariye Repubulika ya Centrafrique mu Nteko ishinga amategeko ya Pan-Afrika. Muri Mutarama 2015, yashimye ibikorwa byo kubungabunga amahoro bikorwa n'u Rwanda, avuga ko mu gihe amaze imyaka 30 muri Repubulika ya Centrafrique, atigera yibagirwa ko yavuye mu Rwanda. Ni umuhuzabikorwa w’umuryango utegamiye kuri Leta witwa Les Flamboyants, ushaka gukumira ihohoterwa rikorerwa abagore n’abana.