Akarere ka Nyagatare
| Country | Rwanda | |
|---|---|---|
| Capital | akarere ka Nyagatare | |
| Located in the administrative territorial entity | Intara y’Iburasirazuba | |
| Coordinate location | 1°18′0″S 30°20′0″E | |
| Headquarters location | akarere ka Nyagatare | |
| Area | 1741 km² | |
Akarere ka Nyagatare ni kamwe mu Turere 7 tugize intara y’uburasirazuba. igabanyijwemo imirenge(14), utugari(106 ) n’imidugudu (628). Akarere kari ku buso bwa 1919 kilometero Akarere ka Nyagatare kagizwe n'abaturage 653861 abagabo ni 318740 abagore bo ni 335121 Bose hamwe bakangana 653861 numbare utuye aka karere Kandi kakaba gahana imbibi n’igihugu cya Tanzania mu burasirazuba ndetse kagahana imbibi n'igihugu cy'uganda mu majyaruguru[1]
Imiterere y’ubutaka
[Hindura | hindura inkomoko]Akarere ka Nyagatare kagizwe muri rusange n’imisozi migufi, usanga ahanini ifite ubutaka budatoshye kubera igihe kirekire cy’izuba rihera muri Kamena kugera kugera mu KUboza.
Akarere ka Nyagatare gaherere mu bibaya bifite ubutumburuke bugera kuri metero 1513,5. Iyo miterere y’ubutaka ikaba ijyanye cyane n'ihingwa kijyambere, bikorohera n'abahingisha imashini cyangwa ibimasa.
Imiterere y’ikirere
[Hindura | hindura inkomoko]Akarere ka Nyagatare kagira imvura nkeya, kakagira n’ubushyuhe. Kagizwe n’ibihe bibiri: igihe cya mbere nigihe kirerekire cy’izuba gifata amezi 3 kugera kuri 5, icyo gihe gifite ibipimo by’ubushyuhe buri hagati ya 25.3°C na 27.7°C.
Iboneka ry’imvura buri mwaka, ibipimo by’imvura biri hasi cyane n'ukuvuga ko bingana na (827mm/ku mwaka), ibi ibipimo ntabwo bihagije cyane k'ubantu bakora ubuhinzi n’ubworozi muraka karere ka Nyagatare.
Imitere y’inzuzi n'imigezi
[Hindura | hindura inkomoko]Akarere ka Nyagatare gafite imiyobora mike y’amazi. Usibye umugezi wa Muvumba unyura mu Karere ka Nyagatare, imigezi y’Akagera n’umuyanja byo bigize imbibi n’ibihugu nka Tanzaniya n’Ubugande. Ibyo bikaba bituma ntawundi mugezi abaturage bashobora kwifashisha mu buhinzi n’ubworozi. Hari n’utundi tugezi duto nka: Nyiragahaya, Kayihenda, Karuruma,Nyagasharara na Kaborogota. Kubera ibura ry’imigezi n’inzuzi,n’imiyoboro y’amazi bitera ikibazo cy’ibura ry’amazi kubaturage n’amatungo.
Akarere ka Nyagatare kagizwe n’igice kinini cya pariki y’Akagera, isangamo umubare w’inyamaswa nk’imbogo, impala n’izindi. Tuhasanga kandi n’ubwoko bw’inyoni zitandukanye.
Akarere gafite kandi n’utundi tunyamaswa, nk’inkende, ingurube z’ishyamba, n’izindi. Mu mugezi wa Muvumba, ho habamo imvubu.
