Umutoniwase Nadia

Nadia in 2025

Umutoniwase Nadia ni umukobwa w'umunyarwandakazi akaba azwi cyane muri filime aho akina ari Muganga muri filime yitwa Umuturanyi.

Ubuzima bw'Ubwana n'Amashuri:

Umutoniwase Nadia yavutse ku itariki ya 1 Mutarama 2001, akaba ari umwe mu bakobwa b'ibyamamarekazi mu Rwanda, yamenyekanye cyane mu bijyanye no gukina filime. Yize amashuri abanza muri Ecole Primaire St. Famile kuva mu mwaka wa 2008 kugeza 2013. Nyuma yaje gukomereza amashuri yisumbuye muri Nyamyumba Secondary School kuva mu mwaka wa 2014 kugeza 2016. Yasoje icyiciro cya kabiri cy'amashuri yisumbuye (Advanced Level) mu mwaka wa 2019, aho yize Software Development muri Ecole Secondaire St. Joseph le Travailleur. Mu mwaka wa 2025 akaba yarabashije kubona certificate ya ALX muri program ya Virtual Assistant.

Umwuga:

Gukina Filime:

Umutoniwase Nadia ni umwe mu bakinnyi ba filime bakunzwe cyane mu Rwanda, akaba yamenyekanye cyane kubera uruhare rwe mu nkuru zitandukanye. Yakinnye muri filime zitandukanye nka:

• "Umuturanyi"
• "City Maid"
• "My Heart"
• "Shuwa dilu"

Uretse gukina filime, Nadia yagiye agaragara muri zimwe mu ndirimbo z'abahanzi bakomeye mu Rwanda nka:

• Mowana by King James
• Ndotsa by DeejayPius

Ibihembo:

Muri 2025 Umutoniwase Nadia yegukanye igihembo cya "Best Breakout actress of the Year 2025" muri MVAA awards.

Mu mwaka wa 2021 Umutoniwase Nadia yitabiriye irushanwa rya Miss Global Beauty Rwanda, aho yabashije kwegukana ikamba rya Miss Popularity.

Imibereho:

Umutoniwase Nadia ni ingaragu, uretse gukina filime akaba akunze kugaragara mu bikorwa bitandukanye byo kwamamaza ndetse no gutegura ibirori.

Inama

Umutoniwase Nadia kandi aherutse gucyebura abantu abasaba kutaba ntibindeba kubikorwa byo ku ibuka genocide yakorewe abatutsi muri 1994.