Shaddyboo

Mbabazi Shadia wamamaye nka Shaddy boo yavutse tariki 20 mata 1992, ni Umunyarwandakazi umurika imideli akaba na bandebereho (influencer) uzwi, ukunzwe ndetse unakurikirwa cyane ku mbuga nkoranyambaga mu Rwanda ndetse no hanze yarwo. Umunyamakuru wandikira ikinyamakuru Igihe mu nkuru yakoze muri Mata 2021 yamwise "Umugore w'ikimero gikurura benshi"

Amateka

Shadia yinjiye mu ruganda rw'imyidagaduro bwa mbere muri 2011 ubwo yagaragaraga mu mashusho y'indirimbo Buhoro buhoro y'Umuhanzi King James, nyuma yaho kandi akaba yaraje kongera kugaragara mu ndirimbo Ntawundi y' Umutare Gaby yasohotse mu mwaka wa 2016. Muri uwo mwaka wa 2016 nibwo Shadia yatangiye gukurikirwa cyane ku rubuga rwa Instagram aho yahise atangira no kujya ategura ibirori bitandukanye hirya no hino mu Rwanda ndetse no hanze yarwo.

Ubuzima bwe bwite

Mbabazi Shadia ni Umubyeyi w'Abana babiri b'abakobwa yabyaranye na Meddy Saleh ukora akazi ko gutunganya amashusho, babanje kubana nk'umugabo n'umugore ariko nyuma baza gutandukana. Ubu abana ni Shaddyboo ubarera. Shaddyboo avugako akunda abana cyane, azwiho gukora ibikorwa byo gufasha abana batishoboye n'abakunzi be, ikindi nuko yatangaje ko akunda guteka, ndetse yigeze kubikora nk'umwuga ariko ntibyamuhira arabireka.

Imirimo akora

Shaddyboo ni amurika imideli abikora nk'akazi mu Rwanda ndetse no hanze yu Rwanda, yamamaye cyane mu gukoresha imbuga nkoranyambaga, mu gusakaza amashusho n'amafoto ye bituma akundwa n'abatari bake. Shaddyboo azwi mu bikorwa byo kwamamaza aho yamamariza amasosiyete agiye atandukanye aba yamuhaye akazi.

Shaddyboo ni umushoramari, akaba akora kuri Radio ya AOP, aherutse gutwara agahigo ko kuba umugore wa mbere ukunzwe cyane ku rubuga rwa instagram, aho yujuje miliyoni y'abamukurikirana kuri urwo rubuga. atangaza ko impamvu akunzwe n'ibyamamare aruko akora akazi ke neza kandi akaba azi gukoresha imbuga nkoranyambaga neza.