Pariki y'Akagera

From Wikipedia
Jump to navigation Jump to search

Akagera ni imwe muri pariki nasiyonali z'igihugu cy'u Rwanda, Iyi pariki iri ku buso bwa kilometero kare 1222[1]. Ikora ku Akarere ka

Imihanda muri pariki y'akagera

Kayonza, Nyagatare na Gatsibo mu burasirazuba bw’u Rwanda. Ni imwe muri pariki 3 z'igihugu zisurwa cyane na ba mukerarugendo benshi, ikaba ari na yo nini mu Rwanda. Pariki y'akagera iri hafi nigihugu cya Tanzaniya n'uruzi rw'Akagera.

Pariki y’Akagera igizwe n’ibiyaga byinshi harimo n'ikiyaga cy'Ihema cyakuye izina ku Babiligi bahashinze amahema ubwo bashakishaga isoko ya Nil. Inyamaswa muri pariki y'akagera ugenda uzisanga ahantu bitewe n’impamvu eshatu arizo aho inyamaswa ibonera umutekano,, aho ikura ibyo kurya n’aho yabonera ubuhehere ndetse n'amazi.

Abasura pariki y’Akagera bavuga ko banezezwa n'ubwoko bw'inyamaswa buyibarizwamo cyane inyamaswa eshanu (5) nini z'inkazi  arizo: Inkura, Intare, Imbogo, Inzovu n'Ingwe.[2]

Inzovu ya mbere nini muri pariki y'akagera

Akagera gatuwe n'amoko y'inyoni agera kuri 490[3]. Parike y'Akagera igizwe kandi n'ibiti by'iminyinya ndetse n'andi moko menshi y'ibiti.[4]

Amateka[edit | edit source]

Parike ya Akagera yemejwe nka pariki mu 1934 na guverinoma y'Ububiligi, igihe yigaruriraga u Rwanda. Parike yari ifite ibiro metero 2,500 mu bunini kandi yari izwiho ibinyabuzima bitandukanye.

Pariki y'Akagera yahoze izwiho kugira imbwa nyinshi zo mu gasozi zo muri Afurika arizo African wild dogs na parc aux lycaons, [5] ku buryo leta y'Ububiligi yabonaga ko ari udukoko tuzarya abantu. Haje gutera icyorezo cy'indwara cyirazigabanya kandi imbwa za nyuma zo mu gasozi zagaragaye mu 1984.

Mu 1957, Inkura z'umukara zakuwe muri Tanzaniya, mu myaka ya za 70, inkura zakomeje kwiyongera kuburyo mu 1970 zari zimaze kurenga 50 zabaga muri savannah, igice gishyushye cyane cya pariki. Kubera guhiga bukware izi nkwavu zahigwaga n'abarushimusi zaragabanutse cyane mu myaka icumi yakurikiyeho, kandi ziheruka kugaragara bwanyuma muri 2007. Mu 1986 bashyizemo Masai giraffes zivuye muri Kenya. Umubare wazo wiyongereye kugera aho zirenga 80 mu myaka yashize. Ahagana mu 1990, Akagera kari kazwiho kuba gafite intare hagati ya 250 na 300. Mu myaka yakurikiye Jenoside mu Rwanda yo mu Rwanda, abaturage benshi bahunze n'abahinzi basubiye mu Rwanda nyuma y'intambara maze batura muri parike.[6]

Ikigo gishinzwe iterambere mu Rwanda[edit | edit source]

Mu 2009, Ikigo gishinzwe iterambere mu Rwanda (RDB) hamwe n’umuyoboro wa parike nyafurika(African Parks Network) muri Afurika bagiranye amasezerano y’imyaka 20 ashobora kongerwa ku buyobozi bukuru bushinzwe pariki y'Akagera. Isosiyete icunga Akagera yashinzwe mu mwaka wa 2010 nk'urwego rushinzwe imiyoborere ya Parike y'Akagera. Mu myaka 5 yakurikiyeho miliyoni 10 z'amadorali yakoreshejwe mu gace ka parike y'igihugu, ku nkunga y'amafaranga yatanzwe na Howard Buffett Foundation. Icyari kigamijwe kwari ukongera umutekano wa parike y’igihugu no kongera kugarura amoko y'inyamswa yazimye. Ingamba z’umutekano zafashwe zirimo: kubaka uruzitiro rw’iburengerazuba rufite ibiro metero 120, kohereza kajugujugu yo kugenzura ikirere, amahugurwa y’itsinda ry’inzobere mu gukurikirana no kurinda inkwavu n’ishami rishinzwe kurwanya inyamanswa zangiza izindi.

Intare[edit | edit source]

Intare y'ingore,n'ingabo muri pariki y'akagera

Muri Nyakanga 2015, intare zirindwi zo muri Afurika y'Epfo zamenyekanye kandi zizanywa muri parike, ziba intare za mbere mu Rwanda mu myaka cumi n'itanu yakurikiyeho (15). Kandi umuryango Beyond yatanze intare eshanu zo muri phina private game. na Tembe inzovu za kwa zulu nathal batanze intare ebyiri zingabo. Izi nyamaswa zose zasobanuwe na Parike nyafurika ko ari "ingamba zo kubungabunga ibidukikije haba muri parike ndetse n’igihugu" mu rwego rw’umushinga ugamije guhindura ibinyabu buzima muri Parike ya Akagera. Kuva mu 2015, umubare w'intare wiyongereye kugera ku nyamaswa zigera kuri 40 kandi ukomeza kwiyongera.

Imvubu[edit | edit source]

Muri Gicurasi 2017, igikorwa cyahurijwe hamwe n’ikigo cy’iterambere ry’u Rwanda na Parike nyafurika cyongeye kugarura imvubu cumi n'umunani(18) zo mu burengerazuba ziva muri Afurika y’Epfo, zari zimaze imyaka 10 zidahari. No kugarurwa kwinkura zabuze ndetse n'intare, pariki y'igihugu ubu ni urugo rw'inyamaswa "eshanu nini zo muri Africa ": Intare, Ingwe, Inzovu, Rhinoceros (Inkura), n'imbogo .

Imvubu zo muri pariki y'Akagera

Muri Kamena 2019, Akagera yakiriye izindi Inkura eshanu (5) z'umukara zo mu burasirazuba ziva muri pariki 3 zitandukanye mu bihugu 3 bitandukanye biherereye mu Burayi. Muri pariki harimo inyamaswa zo mu bwoko bwa Dvur Kralove zo muri Repubulika ya Tchèque, Flamingo Land yo mu Bwongereza na Ree Park Safari yo muri Danimarike. Uku kwimuka nubwa mbere byari bibayeho mu bwoko bwazo, ubuhahirane no kugurizanya hagati y'uburayi na Afurika ntago byari byigeze bibaho mbere. izo Inkura zose haje ingabo ebyiri ndetse n'ingore ebyiri byagezagejejwe mu Rwanda neza muri parike nyuma yurugendo rw'amasaha 30. Izi nyamaswa zikomoka ku nkura zakuwe muri Afurika mu gihe cyabakoloni. Umubare munini wiyongereye kuva mu 2010, uva ku nyamaswa 4000 mu 2010 ugera ku 13.500 mu 2018. [7]

Ubukerarugendo[edit | edit source]

Kuva Parike nyafurika yatangira gucunga parike y'Akagera ku bufatanye n’ikigo gishinzwe iterambere ry’u Rwanda (RDB) mu 2010, ubukerarugendo bwiyongereye ku buryo bugaragara. Mu mwaka wa 2010, abantu 8000 basuye parike. Uyu mubare wazamutse ugera ku 44.000 muri 2018. [8] Uku kwiyongera kwatumye parike y'Akagera pariki yibeshaho kuri 80% bityo ntishingire kubaterankunga. [9]

Imiyoboro[edit | edit source]