ISO 639
Candidates for speedy deletion as nonsense pages
Hierdie artikel handel oor die Engelse taal. Sien gerus Engels (dubbelsinnig) vir ander artikels met 'n soortgelyke titel. Engels (English (hulp·inligting)) is 'n Wes-Germaanse taal wat vanuit Engeland ontwikkel het. Dit is die derde mees algemene "eerste" taal (inheemse sprekers), met omtrent 335 miljoen mense in 2002. Engels het lingua franca-status in baie dele van die wêreld, as gevolg van die militêre, ekonomiese, wetenskaplike, politieke en kulturele invloed van die Verenigde Koninkryk en later die Verenigde State. Waar moontlik word omtrent alle studente wêreldwyd verplig om 'n bietjie Engels te leer, en kennis van Engels is feitlik 'n voorvereiste om te kan werk in vele velde en beroepe. Die meeste hoër akademiese inrigtings, byvoorbeeld, vereis 'n basiese vlak van Engels.
Engels English Gepraat in: Vlag van Australië Australië Vlag van Belize Belize Vlag van Botswana Botswana Vlag van Eritrea Eritrea Vlag van Ethiopië Ethiopië Vlag van Filippyne Filippyne Vlag van Ghana Ghana Vlag van Guyana Guyana Flag of Ireland Ierland Vlag van Indië Indië Vlag van Jamaika Jamaika Vlag van Kameroen Kameroen Vlag van Kanada Kanada Vlag van Kenia Kenia Vlag van Liberië Liberië Vlag van Malawi Malawi Vlag van Maleisië Maleisië Vlag van Namibië Namibië Vlag van Nieu-Seeland Nieu-Seeland Vlag van Nigerië Nigerië Vlag van Pakistan Pakistan Vlag van Papoea-Nieu-Guinee Papoea-Nieu-Guinee Vlag van Rwanda Rwanda Vlag van Sierra Leone Sierra Leone Vlag van Singapoer Singapoer Vlag van Soedan Soedan Vlag van Suid-Afrika Suid-Afrika Vlag van Suid-Soedan Suid-Soedan Vlag van Tanzanië Tanzanië Vlag van Uganda Uganda Vlag van Verenigde Koninkryk Verenigde Koninkryk Vlag van Verenigde State van Amerika Verenigde State Vlag van Zambië Zambië Vlag van Zimbabwe Zimbabwe Gebied: Afrika, Asië, Europa, Noord-Amerika, Oseanië Totale sprekers: 335 miljoen (as moedertaal)[1][2] 250 miljoen (as tweede taal)[1][2] 1,8 miljard (as derde taal)[3] Rang: 11 Taalfamilie: Indo-Europees
Germaans Wes-Germaans Hoog-Duits Engels
Skrifstelsel: Latynse alfabet Amptelike status Amptelike taal in: Flag of the United Nations Verenigde Nasies Vlag van die AU.png Afrika-unie Vlag van die Britse Statebond.png Britse Statebond Flag of Europe Europese Unie Flag of NATO.svg NAVO NAFTA logo.png NAFTA Vlag van Australië Australië Vlag van Belize Belize Vlag van Botswana Botswana Vlag van Eritrea Eritrea Vlag van Ethiopië Ethiopië Vlag van Filippyne Filippyne Vlag van Ghana Ghana Vlag van Guyana Guyana Flag of Ireland Ierland Vlag van Indië Indië Vlag van Jamaika Jamaika Vlag van Kameroen Kameroen Vlag van Kanada Kanada Vlag van Kenia Kenia Vlag van Liberië Liberië Vlag van Malawi Malawi Vlag van Maleisië Maleisië Vlag van Namibië Namibië Vlag van Nieu-Seeland Nieu-Seeland Vlag van Nigerië Nigerië Vlag van Pakistan Pakistan Vlag van Papoea-Nieu-Guinee Papoea-Nieu-Guinee Vlag van Rwanda Rwanda Vlag van Sierra Leone Sierra Leone Vlag van Singapoer Singapoer Vlag van Soedan Soedan Vlag van Suid-Afrika Suid-Afrika Vlag van Suid-Soedan Suid-Soedan Vlag van Tanzanië Tanzanië Vlag van Uganda Uganda Vlag van Verenigde Koninkryk Verenigde Koninkryk Vlag van Verenigde State van Amerika Verenigde State Vlag van Zambië Zambië Vlag van Zimbabwe Zimbabwe Gereguleer deur: geen Taalkodes ISO 639-1: en ISO 639-2: eng ISO 639-3: eng
██ Lande waar Engels 'n inheemse meerderheidstaal is ██ Lande waar Engels 'n amptelike maar nie inheemse meerderheidstaal is nie Nota: Hierdie bladsy kan IFA fonetiese simbole in Unicode bevat. Inhoud Betekenis Wysig
EN: Engels gesimboliseer deur die taal-kode ISO 639-1
Moderne Engels, soms beskryf as die eerste wêreldwye lingua franca[4][5] is die belangrikste internasionale taal vir kommunikasie, wetenskap, lugvaart, vermaak, toerisme, radio, diplomasie en in die sakewêreld.[6] Die uitbreiding van die taal vanaf die Britse eilande tot oor die hele wêreld het saam met die groei van die Britse Ryk begin, en aan die einde van die negentiende eeu was die taal reeds wêreldwyd versprei.[7] Die taal is dominant in die Verenigde State en deur sy groeiende ekonomiese en kulturele invloed en sy magstatus sedert die Tweede Wêreldoorlog het die posisie van die taal wêreldwyd versterk.[5]
'n Goeie kennis van Engels is 'n vereiste in 'n aantal werkgebiede en beroepe soos geneeskunde en informatika; as gevolg daarvan verstaan ten minste een miljard mense die basiese beginsels van Engels. Dit is ook een van die ses amptelike tale van die Verenigde Nasies.
Taalkundiges soos David Crystal erken dat een van die gevolge van die groei van Engels (nes ander wêreldwye tale) is dat die taalkundige diversiteit op baie plekke ter wêreld verlore gaan, in besondere Australasië en Noord-Amerika.
Geskiedenis Wysig
Engels ontstaan uit vele Germaanse dialekte, wat na Groot-Brittanje gebring is deur die Angelsaksiese koloniste aan die begin van die 5de eeu, veral die Angele, Saksers en die Jute.
Die taal word sterk beïnvloed deur die Oud-Noorse taal van die Vikings. Na die Normandiese verowering van Engeland in 1066, ondervind die taal 'n sterk Franse invloed en ontwikkel van Oudengels tot Middelengels. 'n Rede vir die verandering was die algemene gebruik van leenwoorde uit die Normandiese woordeskat en die gebruik van Normandiese spelreëls. Hedendaagse Engels ontwikkel self daaruit en gaan voort met die opneem van buitelandse leenwoorde, veral uit Latyn en Grieks. Dit neem ook leenwoorde oor vanuit die Indiese tale.
Die grammatikale struktuur van Engels is nog steeds oorwegend Germaans met enkele Romaans-ontleende sinskonstruksies. Van die totale Engelse woordeskat is baie woorde (ongeveer 60%) egter vanaf Franse en Latynse herkoms. Mense verwys soms na Engels as 'n oorbrugingstaal tussen die wêreld van die Germaanse en Romaanse tale.
Met Engels word deurgaans soos volg geperiodiseer:
Oudengels, 7de en 8ste eeu, ook bekend as Angelsaksies, soos verklaar in Beowulf. Middelengels, 12de-15de eeu, beïnvloed deur Normandies ('n Franse dialek) na die slag by Hastings. Nuwe-Engels, 16de eeu tot hede Moderne gebruik Wysig
Die Engelse taal is vanaf die 20ste eeu die invloedrykste taal ter wêreld. Dit is deels as gevolg van die Britse koloniale uitbreiding in die 19de eeu waardeur Engels in baie voormalige kolonies nog steeds die vernaamste (amptelike en bestuurs-) taal is, maar veral ook deur die kulturele en wetenskaplike dominerende Verenigde State.
Eerste taal Wysig
Engels is die amptelike taal van onder andere Australië, Belize, Nieu-Seeland en Nigerië en een van die amptelike tale van onder andere Kanada, Ierland en Suid-Afrika. Engels funksioneer de facto as amptelike taal van die Verenigde Koninkryk en die Verenigde State.
Tweede taal Wysig
Engels word deur vele mense as tweede taal gepraat. As mens die eerste- en tweedetaalsprekers by mekaar optel, is die selfs die mees gebruikte taal ter wêreld. Beskou mens slegs die eerstetaalsprekers, dan word Engels nog oortref deur Mandaryns en Spaans. Die taal dien as lingua franca by die kommunikasie in wetenskap, tegnologie en in die internasionale politieke en ekonomiese verkeer oor die hele wêreld.
'n Inisiatief van die Universiteit van Cambridge, die University of Cambridge ESOL examination, is 'n reeks skooleksamens wat die beheersing van die Engelse taal deur nie-moedertaalsprekers toets. Wêreldwyd neem jaarliks 2 miljoen mense in meer as 130 lande aan die eksamens deel.
Woordeskat Wysig
Engels het 'n baie groot woordeskat en daar kom gereeld twee woorde voor vir 'n enkele begrip: een Germaans en een Romaans (byvoorbeeld 'freedom' en 'liberty' beteken beide 'vryheid'). Die verskil in gebruik word grotendeels bepaal deur die register: die Germaanse woord by voorkeur in die daaglikse lewe en die Romaanse sinomieme in amptelike geskrewe taal. Die totale aantal woorde in die Engelse taal is 'n onderwerp van bespreking, maar volgens die Oxford Woordeboek is dit minstens 500 000.
Volgens die Shorter Oxford Dictionary is die woorde in Engels van hierdie oorsprong:
Frans, inklusief oud-Frans en anglo-Frans: 28,3% Latyn: 28,24% Andere Germaanse tale (Oudengels/Middelengels, Oudnoors en Oud-Nederlands): 25% Grieks: 5,32% Andere tale/onbekend: ongeveer 8% Spelling Wysig
Engels het 'n baie diep orthografie, dit wil sê daar is weinig verband tussen uitspraak en skryfwyse. 40 klanke word op 1120 verskillende wyses geskryf. Volgens ondersoeker Eraldo Paulesu van die Milaanse universiteit is dit die oorsaak dat in Engelstalige lande tweemaal soveel disleksie-diagnoses voorkom as in Italië. In Italiaans word 25 klanke op slegs 33 verskillende wyses geskryf.
Sien ook Wysig
Lys van gedrukte Afrikaans-vreemdtalige woordeboeke Verwysings Wysig
↑ 1,0 1,1 (en) "Ethnologue: Languages of the World, Seventeenth edition, English". Ethnologue. Besoek op 17 Januarie 2016. ↑ 2,0 2,1 (en) The Triumph of English, The Economist, 20 Desember 2001 ↑ (en) "Lecture 7: World-Wide English". EHistLing. Besoek op 26 Maart 2007. ↑ (en) "Global English: gift or curse?". Besoek op 4 April 2005. ↑ 5,0 5,1 (en) David Graddol (1997). "The Future of English?" (PDF). The British Council. Besoek op 15 April 2007. ↑ (en) "The triumph of English". The Economist. 20 Desember 2001. Besoek op 26 Maart 2007. ↑ (en) "Lecture 7: World-Wide English". eHistLing. Besoek op 26 Maart 2007. Verdere leesstof Wysig
The Oxford Companion to the English Language, ed. Tom McArthur The Cambridge Encyclopedia of the English Language, deur David Crystal A History of the English Language deur Albert Baugh en T. Cable (London, 2002) Eksterne skakels Wysig
Wikimedia Commons bevat media in verband met Engels. Sien Engels in Wiktionary, die vrye woordeboek. Wikipedia Sien gerus Wikipedia se uitgawe in Engels Ethnologue report for English The World's Most Widely Spoken Languages Cambridge Dictionary BBC - Radio 4 - Routes of English AskOxford.com: Global English English-English dictionary - kombineer inligting vanuit verskeie woordeboeke. Woordeboek Engels-Afrikaans-Engels Development of English Read Print Books - sluit baie publieke-domein werke in vanuit klassieke Engelse literatuur Learning Vocabulary Can Be Fun Vier aanlyn, interaktiewe speletjies om studente te help woordeskat aanleer. Indo-Europese tale: Kentum-tale: Germaanse tale Noord-Germaanse tale: Deens | Faroëes | Noors (Bokmål, Nynorsk) | Sweeds | Yslands Wes-Germaanse tale: Afrikaans | Duits | Engels | Fries (Noord-Fries, Oos-Fries/Saterfries, Wes-Fries) | Jiddisj | Limburgs | Luxemburgs | Nederduits | Nederlands (Oos-Vlaams, Wes-Vlaams) | Nedersaksies (Wes-Veluws) | Skots Oos-Germaanse tale: Boergondies (†) | Goties (†) | Vandaals (†)