Diblo Dibala

Diblo Dibala (wavutse ku ya 9 Kanama 1954), bakunze kwita Diblo, ni umucuranzi wa soukous wo muri Kongo, azwi ku izina rya "Machine Gun" kubera umuvuduko n'ubuhanga agaragaza kuri gitari .

Yavutse mu 1954 i Kisangani. Yimukiye i Kinshasa akiri umwana, maze afite imyaka 15 yatsinze mu marushanwa yo kugaragaza impano bituma atangira gucuranga gitari mu itsinda ryitwa TPOK rya Franco. Dibala yabanye niri tsinda mu gihe gito gusa, akomeza gucurangana na Vox Africa, Orchestre Bella Mambo na Bella Bella, muri iryo tsinda yacuranzemo bwa mbere yabanagamo na Kanda Bongo Man .

Mu 1979, yimukiye i Buruseli, maze mu 1981 yinjiye mu itsinda rya Kanda Bongo Man i Paris. Album yabo ya mbere, yitwa Iyole (yasohotse mu 1981), yakiriwe neza. Diblo yabaye umucuranzi wa gitari nyuma yo gukorana na Pepe Kalle n'abandi bahanzi benshi ba soukous.

Mu myaka ya za 1980 rwagati, yashinze itsinda rye bwite, Loketo (bisobanura 'ikibero'), hamwe n'abaririmbyi barimo Aurlus Mabele na Mav Cacharel. Nyuma y'imyaka mike, iryo tsinda ryarasenyutse, maze mu 1990 ashinga itsinda rishya, ryitwa Matchatcha, na n'ubu riracyakora nyuma y’abarigize benshi bagiye bahindagurika.

Ihuza ryo hanze

• Diblo kuri AfricanMusic.org
• Diblo kuri AfrikaSound.com