Chancellor House (sosiyete)

Chancellor House ni isosiyete iherereye muri Afurika yepfo ikora ishoramari mu bisata bitandukanye harimo ubucukuzi bw'amabuye y'agaciro, ubwubatsi, ingufu n’ikoranabuhanga mu itumanaho. Yiswe Chancellor House, bashingiye ku nyubako ikigo cy’amategeko cya Nelson Mandela na Oliver Tambo cyari giherereye.

Nyuma yo kuba cyarashyizwe ahagaragara nk’umuterankunga w'imena w'shyaka ryitwa Kongere y’igihugu nyafurika (ANC) yaje kwemerwa nk'ikigo cy’ishoramari mu gihugu kubera iryo shyaka. Birazwi cyane kubera impaka zijyanye no guhabwa igihembo cyo kungura ubukungu bw'abirabura bw'unguka hamwe n'amasezerano ya parastatal.

Amateka

Kuba iyi sosiyete yaramenyekanye bwa mbere mu mwaka wa 2006. Ikinyamakuru Mail & Guardian kivuga ko iyi sosiyete yashinzwe mu mwaka wa 2003 kubushake bwa Mendi Msimang, akaba ariwe wahoze ari umubitsi mukuru wa ANC, icyo gihe yari agamije gukusanya inkunga y'ishyaka.

Mbere y'amakuru yatangajwe n'ikinyamakuru iyi sosiyete ntago yari izwi; Kgalema Motlanthe, icyo gihe wari umunyamabanga mukuru w’ishyaka, ngo yabanje kubimenya ubwo yavuganaga n’ikinyamakuru kugira ngo agire icyo abivugaho.

Muri Nzeri mu mwaka wa 2021, iyi sosiyete ubwayo yemeye ko yabaye icyambu cyo gutera inkunga ishyaka rya ANC.

Ku ya 10 Ugushyingo mu mwaka wa 2021, Mamatho Netsianda na Zwelibanzi Nzama, umuyobozi mukuru nshingwabikorwa, bagize uruhare mu mushinga wo guteza imbere politiki y'ibikorwa by'imitungo itimukanwa guhera mu mwaka wa 2008. Isambu iri hejuru ya sitasiyo ya Sandton yari yarahinduwe n'Umujyi wa Johannesburg, ariko ntabwo bigeze bakira ubyishyu bwabyo.

Amasezerano ya Eskom

Mu Gushyingo mu mwaka wa 2007, ikigo gisakaza amashanyarazi ya parastatal cyitwa Eskom cyahawe imashini eshshatu zitunganya amashanyarazi zifite agaciro ka miliyari 20 yamarandi ifaranga rikoreshwa mu gihugu cya Afurika y'epfo, mu ihuriro harimo na Hitachi Power Africa. Mugihe cyo gutanga ibihembo iyo sosiyete yari ifite imigabane ingana nka 25% yose ikaba yari ifitwe na Chancellor House.

Muri Gashyantare mu mwaka wa 2008, ishyaka rya ANC ryavuze ko rizashyiraho abajyanama hagamijwe gusohoka mu mucyo kubera ibibazo by'imiyoborere. Muri Werurwe mu mwaka wa 2008, ibiro by’Umurinzi rusange byavuze ko iperereza kuri ubwo bucuruzi ririmo gukorwa.

Nyuma y’ibirego bikubiye mu itegeko rigenga ruswa mu mahanga ryashyizweho na komisiyo ishinzwe umutekano no kugurizanya, Hitachi yemeye kwishyurwa miliyoni 19 z’amadolari muri Nzeri mu mwaka wa 2015. Iyi myumvire mibi yo kutabazwa inshingano bashinzwe, gukorera mu mucyo no gucunga umutungo bifitanye isano na ishyaka rya ANC yanashamikiyeho kunengwa na Ishyaka riharanira demokarasi, ishyaka ritavuga rumwe n’ubutegetsi.