Akarere ka Kamonyi

ibiro by'akarere ka kamonyi

Akarere ka Kamonyi

Kamonyi ni kamwe mu turere mirongo itatu (30) tugize U Rwanda, kamwe mu turere 8 tugize intara y'Amajyepfo. Aka Karere karere gafite ubuso magana tandatu mirongwitanu na gatanu n'ibice bitanu (655.5 Km2) kagizwe n'imirenge cumi n'ibiri (12); utugari mirongo itanu n'icyenda (59) ndetse n'imidugudu magana atatu na cumi n'irindwi (317). Ibiro by'Akarere byubatse mu Mudugudu wa Ryabitana, Akagari ka Gahinga, Murenge wa Gacurabwenge.

Mu majyaruguru ashyira Iburasirazuba bw'aka karere, gahana imbibi n'Umujyi wa Kigali mu karere ka Nyarugenge. Mu majyepfo yako, gahana imbibi n'Akarere ka Ruhango, mu Burengerazuba bwako hari akarere ka Muhanga ndetse m Burasirazuba bwako gahana imbibi n'akarere ka Bugesera.

Aka karere kazwiho imisozi itoshye n’ubutaka bwera, bikagirira akamaro urwego rw'ubuhinzi.

Imirenge igize Akarere ka Kamonyi

Akarere ka Kamonyi kagabanyijemo imirenge cumi n'ibiri (12):

1. Gacurabwenge
2. Karama
3. Kayenzi
4. Kayumbu
5. Mugina
6. Musambira
7. Ngamba
8. Nyamiyaga
9. Nyarubaka
10. Rugarika
11. Rukoma
12. Runda

Ubukungu n’Ubuhinzi

Ubukungu bwa Kamonyi bushingiye cyane ku buhinzi n'ubworozi, aho abaturage bahinze ibihingwa birimo: Ikawa, Imineke, Ibishyimbo, Ibigori, Imyumbati , imbuto n'imboga zihingwa mu bishanga bigize aka karere. Ikawa ni kimwe mu bihingwa ngengabukungu bikomeye bihingwa muri aka karere.

Ubworozi bukorerwa mu karere ka Kamonyi, bwiganjemo ubw’inka zitanga amata n’inyama.

Kubera ko gaherereye hafi ya Kigali, ubucuruzi n’iterambere ry’ubukungu biri gutera imbere cyane.

Agaciro k’Amateka n’Umuco

Urwibutso rya jenoside yakorewe Abatutsi rwa Kamonyi

Akarere ka Kamonyo gafite ahantu nyaburanga nahabumbatiye amateka y'ubukoroni ndetse nayo mu gihe cy'Ubwami bw'u Rwanda. Gafite kandi ahantu habumbatiye amateka akomeye ya jenoside yakorewe abatutsi mu 1994, harimo Inzibutso za jenoside ndetse naho kwigishiriza amateka ya jenoside yakorewe Abatutsi.

Ubukerarugendo n’Ahantu Nyaburanga

• Uruzi rwa Rukarara: Ni ahantu nyaburanga h’umwihariko hateye neza kandi hashobora kwifashishwa mu bukerarugendo muri aka karere.
• Imidugudu ya Gakondo: hari ahantu hakigaragara uburyo bugaragaza imibereho y'abanyarwanda mu gihe cya kera.
• Insengero za kera n’inyubako za gikoloni: Hari zimwe mu nyubako za kera zifite amateka yihariye.

• 

  Ijuru rya Kamonyi risurwa cyane na bamukerarugendo

  

  Urutare rwo ku Ijuru rya Kamonyi rugaragaraho ikirenge cya Yuhi III Mazimpaka

  Ijuru rya Kamonyi: Inteko y'Umuco n'Ururimi yashyize aha hantu mu hantu ndangamateka kuko hatuye abami benshi b'u Rwanda kugira ngo ayo mateka atazibagirana. Ijuru rya Kamonyi hari mu murwa w'Umwami Yuhi III Mazimpaka wari uhafite inzu ndende yitaga umuturirwa. Ubu ni mu Mudugudu wa Juru. Nyuma y'itanga ry'Umwami Yuhi III Mazimpaka, ku Kamonyi hatuye abandi bami barimo Yuhi IV Gahindiro, Urugo rwe rwari i Rubona muri aka Karere, aho yarafite ubushyo bw'inka bwo mu mutwe witwaga Umuriro II. Abandi bami batuye muri aka karere ni Mutara II Rwogera, Kigeri IV Rwabugiri wanahijihirije umganura mu 1883, ndetse na Yuhi V Musinga nawe wahizihirije umuganura inshuro imwe ndetse akahakirira Kapiteni Ramsay. Umwami Yuhi V Musinga yaje mu Ijuru rya Kamoni avuye Runda, nayo ya Kamonyi.

6. Uburezi n’Ibikorwaremezo

Kamonyi ifite uburezi bukomeje gutera imbere, harimo amashuri abanza, ayisumbuye, n’ibigo by’imyuga. Aka karere gafite imihanda ifasha mu itumanaho, irimo igahuza n'umujyi wa Kigali ndetse n’utundi turere tugakikije. Akarere ka Kamonyi gakomeje gutera imbere mu myubakire.