Adapazarı

Adapazarı

Ilçe, big city

Country	Turukiya
Capital of	Sakarya ili, Sakarya
Located in the admi­nis­tra­ti­ve ter­ri­to­rial entity	Sakarya ili, Sakarya
Located in time zone	TRT, UTC+03:00
Located in or next to body of water	Sakarya River
Coor­di­na­te location	40°46′35″N 30°24′9″E
Popu­la­tion	281489
Elevation above sea level	31±1 metre
Twinned admi­nis­tra­ti­ve body	Shumen, Delft, Louisville
Connects with	E80
Area	562 km²
Postal code	54100
Official website	www.adapazari.bel.tr
Local dialing code	0264
Licence plate code	54

Adapazarı : ni umujyi kandi ni akarere ka komini nini (metropolitan district) ndetse n’umurwa mukuru w’akarere ka Sakarya Province, muri Turkey. Ifite ubuso bungana na km² 324, kandi ituwe n’abaturage 281,489 (2022). Ikubiyemo igice cyo hagati n’icy’amajyaruguru y’agace kagize umujyi wa Adapazarı n’icyaro kiwukikije.

Amateka

Amateka ya Adapazarı atangira mu mwaka wa 378 mbere ya Yezu, ubwo yitwaga Agrilion (Ἀγρίλιον mu rurimi rw’Ikigereki). Abaturage ba mbere barimo Phrygians, Bithynians, Cimmerians, Lydians, Greeks, n’Abapersi. Gusa Adapazarı yubatse umwimerere wayo mu bihe by’Abagiriki ba kera, Abaroma n’ubwami bwa Byzantine. Nyuma y’intsinzi za Alexander the Great, Abapersi birukanwe muri ako karere.

Kimwe mu bimenyetso by’amateka by’ingenzi ni Sangarius Bridge (Inyandikorugero:Langx) yubatswe n’Umwami w’Abaroma b’Iburasirazuba Justinian mu 533 nyuma ya Yezu. Mu mateka, wari ku muhanda wa gisirikare wahuzaga Constantinople (ubu ni Istanbul) n’ibice by’iburasirazuba by’ubwami bwe.

Mu 1868 hashinzwe ku mugaragaro Komini ya Adapazarı. Mu 1954, itegeko ryatowe n’Inteko Ishinga Amategeko ya Turukiya ryayigize umurwa mukuru w’intara yigenga itandukanye na Kocaeli. Umutingito wa Marmara wo mu 1999 wangije cyane umujyi, uhitana abantu barenga 18,000 kandi wangiza byinshi mu bikorwa remezo. Mu 2008 hashyizweho akarere ka Adapazarı mu buryo bushya, kandi intara ihindurirwa izina iba Sakarya, ikomora ku mugezi wa Sakarya River.

Ubukungu

Adapazarı ibamo uruganda runini rw’imodoka rwa Toyota Motor Corporation ndetse n’uruganda rwa gari ya moshi rwa Hyundai EURotem. Hari kandi n’inganda zikomeye za gisirikare zirimo Tank Pallet 1st Main Maintenance na Otokar. Inganda z’imyenda (siliki na lini), ubuhinzi n’amashyamba nabyo bifite uruhare rukomeye, harimo umusaruro w’itabi, imbuto za hazelnut, ibiti bya walnut, n’imboga. Nyuma y’umutingito wa 1999, umujyi wongeye kubaka ibikorwa remezo byawo kandi hubakwa inzu ndangamurage y’umutingito mu rwego rwo kuwibuka.

Uburezi n’umuco

Kaminuza rukumbi iri muri uyu mujyi ni Sakarya University, yashinzwe mu 1992 kandi ifite umubare munini w’abanyeshuri muri Turukiya. Ifite uruhare rukomeye mu guteza imbere umuco n’imibereho rusange y’umujyi.

Hari kandi ibigo by’umuco nka Adapazarı Kültür Merkezi na Sakarya Sanat Galerisi. Kent Park irimo ishusho y’uruziga rw’amazi rwa kera rwakoreshwaga mu kugeza amazi meza ku baturage hagati ya 1724 na 1955.

Siporo

Adapazarı ni ho ikipe ya Sakaryaspor ikorera. Yatwaye Igikombe cya Turukiya inshuro imwe kandi yakinnye muri Süper Lig ibihe 11. Yagarutse muri TFF First League mu 2011 nyuma yo gutsinda Konya Şeker S.K., Bugsaşspor na Bandırmaspor. Nubwo atahora mu cyiciro cya mbere, iyi kipe yareze abakinnyi bakomeye nka Hakan Şükür, Tuncay, Oğuz Çetin na Aykut Kocaman.

Ikirere

Adapazarı ifite ikirere cya humid subtropical climate (Cfa mu buryo bwa Köppen). Impeshyi irashyuha kandi igira ubuhehere bwinshi, naho imbeho igakonja kandi ikagira imvura nyinshi. Imvura igwa umwaka wose ariko ikiyongera cyane mu gihe cy’imbeho. Urubura rugwa hagati ya Ukuboza na Werurwe.

Ubushyuhe bwo hejuru bwigeze kwandikwa ni 44.0 °C (111.2 °F) ku ya 13 Nyakanga 2000, naho ubukonje bukabije bwigeze kwandikwa ni −14.5 °C (5.9 °F) ku ya 22 Mutarama 1961.

Abantu bazwi

• Udi Hrant (1901–1978), umucuranzi wa oud n’umuririmbyi
• Kriton Ilyadis (1916–1980), umufata-amashusho
• Sait Faik Abasıyanık, umwanditsi
• Tuncay, umukinnyi w’umupira w’amaguru
• Hakan Şükür, umukinnyi w’umupira w’amaguru
• Semih Saygıner, umukinnyi wa carom billiards
• Kenan Sofuoğlu, umukinnyi w’amapikipiki

Imijyi y’impanga

Adapazarı ifitanye ubufatanye (sister cities) na:

• Inyandikorugero:Country data KOS Klina, Kosovo
• Inyandikorugero:Country data USA Louisville, Leta Zunze Ubumwe za Amerika