Abashumba b'Inka

Inka na Bashumba mu muco Nyarwanda

Amateka y'Abashumba mu muco Nyarwanda aherere ku gaciro gakomeye k'inka, yari ashingiye ku mibereho, ubukungu, n'imiyoborere by'Igihugu. Abashumba bari umwe mu migabane ikomeye cyane igize umuryango mugari w'Abanyarwnda, kandi uruhare rwabo rwari runini mu buzima bwa buri munsi no mu butegetsi bwa cyami. Abashumba bari ingenzi cyane mu muco nyarwanda , kuko inka yari inkingi ya mwamba mu mibereho, ubukungu, imibanire, n'imihango by'u Rwanda rwo hambere.

Ishyo ry'Inka

Uruhare rw'Abashumba mu muco Nyarwanda:

Agaciro k'inka

Mu muco Nyarwanda, inka zahawe agaciro kadasanzwe, zafatwaga nk'ikimenyetso cy'ubukire, ishema, n'ubumwe bw'umuryango. Abashumba (aborozi b'inka) bari abantu bubashywe cyane bitewe n'amatungo baragiraga.

Imibereho y'Abanyarwanda

Imibereho y'Abanyarwanda Cyane cyane Abashumba , yari ishingiye ku bworozi. Amata n'ibikomoka ku nka byari ingenzi mu buzima bwabo no mu mirire.Habagaho n'amagambo menshi yihariye, imigenzo, n'ibirungo bigendanye n'inka n'amata, bigaragaza ubushorishori byari bifite mu muco.

Mu Butware n'Imiyoborere

Mu Rwanda rwo hambere, habagamo inzego z'ubutegetsi zihariye zishingiye ku bworozi. Hariho umutware w'umukenke ushinzwe by'umwihariko amazi n'ubwatsi bw'inka, cyane cayne inka z'Ibwami( Inyambo). Uyu mutware yakusanyaga n'imisoro ku borozi.

Ubwiru n'Imihango

Abashumba bari bafite n'uruhare mu Bwiru (imihango y'ibwami y'ibanga). Hariho Umwiru-Mushumba, uwo mu nzu y'Abakeka, wari ushinzwe imihango yo kwimika imfizi y'ibwami n'indi migenzo ijyanye n'inka z'umwami. Ibi byerekana ko uruhare rwabo rwarenze imibereho isanzwe rukagera no mu miyoborere n'imihango y'igihugu.

Ubugeni n'Ubuvanganzo

Ubuvanganzo Nyarwanda burimo amazina y'inka, ibisigo birata inyambo n'umwami, ndetse n'inanga zivuga iby'ibwami, bigaragaza neza imibanire ya hafi Abanyarwanda bari bafitanye n'inka n'abashumba bazo.

Ihuzabukungu

Abashumba n'abahinga (abahinzi) babanaga mu buryo bw'ihuzabukungu, aho bahanahanaga ibicuruzwa n'umurimo, bigatuma umuryango nyarwanda uba umwe kandi ushingiye kuri byombi, nubwo hari imvugo ivuga ko Abatutsi bari abashumba cyane n'Abahutu bari abahinzi cyane.