AMABWIRIZA AREBANA N’AMASHYAMBA

1° amabwiriza arebana n’amashyamba: amabwiriza ya Ministiri ateganywa n’iri

tegeko

2° gufata neza amashyamba: uburyo  butuma amashyamba arindwa,  akorerwa neza, avugururwa kandi abyazwa umusaruro ku buryo burambye;  

3° gufatira: igikorwa cyo kwambura by’agateganyo umuntu uburengazira bwo gukoresha ibikomoka ku mashyamba n’ibikoresho byifashishijwe bitewe n’uko

atubahirije ibiteganywa n’iri tegeko;

4° gukonorera: igikorwa cyo gukorera  amashyamba hatemwa amashami make yo hasi ku biti bitayatakaza mu buryo bwa kamere yabyo bigakorwa hagamijwe kongera

ubwiza  bw’igihimba;

5° gukoresha ishyamba: gusarura ibikomoka ku mashyamba kimwe no kurikoresha mu bukerarugendo, mu kwidagadura cyangwa mu

mirimo irebana n’ibidukikije n’ubushakashatsi;

6° gukuraho ishyamba: kurandura ibiti cyangwa kubitema n’ibishyitsi bikarandurwa kugira ngo ubutaka ryari ririho bukoreshwe ikindi;

7° gusarura ishyamba:  gukura mu ishyamba ibikomoka ku mashyamba hagamijwe

kubicuruza cyangwa kubikoresha ikindi kintu;

8° gutsemba ishyamba: ibikorwa byangiza ishyamba bigatuma rishiraho ku buryo

ridashobora kwisubira;

9° ibarura ry’amashyamba: inyigo ikorwa kugira ngo mu karere runaka hagaragazwe imiterere n’ingano by’ishyamba cyangwa akarere kagenewe ishyamba;

10° ibikomoka mu ishyamba: ibiti, ingiga z’ibiti, inkwi, imbaho, amakara, ibarizo, ibishishwa, amakakama, amavuta, amababi, indabo, imbuto, umurama, ubuhiho, ivu, isaso, ubuki, ibihumyo, ibyatsi n’ibindi binyabuzima cyangwa ibibikomokaho, itaka, amabuye, urusekabuye, ibumba, umusenyi n’ibindi bitari ibinyabuzima bikomoka mu ishyamba;

11° ibikorwa byo kubungabunga amashyamba: ibikorwa bigamije gushyiraho ibyemezo mu rwego rwa tekiniki, ubukungu, inganda, amategeko n’ubutegetsi, kugira ngo bayiteho maze arusheho gutanga umusaruro;

12° ibikorwa byo gusubiranya ishyamba: ibikorwa bigamije kuziba icyuho mu ishyamba bongeramo ibindi biti cyangwa bakareka ibisanzwe bigakura kugira ngo ritange

umusaruro ukwiye ritezweho;

13° ibiti bikomye: igiti kimwe cyangwa byinshi

14° ibungabunga rirambye ry’amashyamba: ikoreshwa ry’umutungo w’amashyamba ku buryo n’abavuka bawusanga na bo

bakawugiraho uruhare n’uburenganzira;

15° igenamiganbi ry’amashyamba: inyandiko ikubiyemo ibikorwa bijyanye no gutunganya, gucunga no gukoresha amashyamba mu gihe

n’ahantu runaka;

16° igenzura ry’ibanze: isuzuma  rikorerwa ishyamba hakoreshejwe uburyo bwa gihanga kugira ngo haboneke amakuru y’ibanze arebana n’ishyamba runaka mu rwego rwo gutegura  ibarura ryimbitse cyangwa gufata

ibyemezo birebana n’imicungire yaryo;

17° igiti: ikimera kimara igihe kirekire ku butaka kigira nibura ubuhagarike bwa metero esheshatu (6) gusubiza hejuru iyo gikuze, kikanagira igihimba n’igice cyo hejuru kigizwe

n’amashami n’amababi;

18° igiti kibazwa: igiti kitagenewe gucanwa, gishobora kuba ari igice cy’igiti cyatemwe cyangwa cyaguye,  kibajwe cyangwa kitabajije, gisatuye, kidasatuye cyangwa hari ukundi

bakigenje bitewe n’icyo

19° Ikigo: Ikigo cy’Igihugu gifite mu nshingano zacyo  gucunga no guteza imbere amashyamba;

20° ishyamba: ubutaka butwikiriwe n’ibiti n’uduti n’ibindi bimera cyangwa ubutaka bwahozeho ibiti rikaba ririmo kwisubira cyangwa barimo guteramo ibindi biti, cyangwa ubutaka butahozeho ibiti bukaba buzigamiwe gutanga ibikomoka ku mashyamba cyangwa imirimo

ifitanye isano nayo;

21° ishyamba-fatizo:  ishyamba rigabanijemo uturere hakurikijwe ibiranga buri karere byihariye;

22° ishyamba rikomye:  ishyamba ridashobora gukorerwamo imirimo iyo ari yo yose keretse

ibyagenwa ukundi n’iri tegeko;

23° ishyamba ry’Akarere: ishyamba riri ku butaka bw’Akarere ryatewe n’Akarere, umushinga w’Akarere, umuganda cyangwa urundi rwego urwo ari rwo rwose rukorana n’Akarere,  iryo ku nkengero z’imihanda

y’Akarere, n’iryeguriwe Akarere;

24° ishyamba rya Leta: ishyamba riri ku  butaka bwa Leta ryatewe na Leta, umushinga wa Leta, umuganda cyangwa urundi rwego urwo ari rwo rwose, irya cyimeza, iryo ku nkengero z’imihanda ya Leta, iryo ku nkengero z’inzuzi n’ibiyaga,  iryeguriwe Leta n’ishyamba ryose ritagira nyiraryo;

25° ishyamba ryo kubyaza umusaruro: ishyamba  ryagenewe kubyazwa umusaruro nk’uko bigenwa n’iri tegeko;

26° ishyamba ry’umuntu: ishyamba ryatewe na nyiraryo, na Leta, umuganda cyangwa undi uwo ari we wese ku butaka bw’umuntu, iryatewe n’abantu bishyize hamwe bafite cyangwa badafite ubuzima gatozi  ku butaka bwabo;

27° itwika rigamije gukingira ishyamba: gutwika inkengero cyangwa  imihora iri hagati mu ishyamba  mu rwego rwo kuririnda

inkongi z’umuriro;

28° kwicira: igikorwa  cyo gutema ibiti bimwe na bimwe mu ishyamba rigikura hagamijwe kongera umusaruro waryo no kongera ubwiza

bw’ibiti bisigaye;

29° Minisitiri: Ministiri ufite amashyamba

        mu nshingano ze;

30° ubuhanga mu kubungabunga amashyamba: uburyo bwo gucunga, gukoresha, gufata neza amashyamba n’ibiti, kuyabyaza umusaruro no gufata neza ubutaka budateweho ibiti ariko buri mu gace kagenewe amashyamba;

31° ubumenyi mu by’amashyamba: ubuhanga bwo gutera amashyamba, kuyitaho, kuyasarura no kongerera agaciro ibiyakomokaho;