Zacu Entertainment
Zacu Entertainment[1] ni sosiyete y'imyidagaduro ikorera mu Rwanda, ikora ibikorwa byo gutunganya no gukwirakwiza filme, ifatwa nk'imwe mu miyoboro ihamye myiza ifasha mu guteza imbere Sinema nyarwanda n'ubuhanzi muri rusange nyuma yo gutangiza urubuga rwa Zacu TV rukorera kuri online rwerekana filme (a web-based video streaming channel) [2]
| Zacu Entertainment | |
|---|---|
| Name | Zacu Entertainment |
| Type | Private company |
| Industry | Entertainment |
| Founded | 2017 |
| Founder | Misago Nelly Wilson |
| Products | Films, Series, Events |
| Popular Shows | City Maid , Seburikoko , indoto , The Incubation |
| Inside Company | ZACU TV |
| Headquarters | KG 5 AVE GATE 82 Kacyiru Kigali , Rwanda |
| Official Website | |
| https://zacuentertainment.com/ | |
Amateka
[Hindura | hindura inkomoko]Zacu Entertainment yashinzwe mu mwaka wa 2017 na Misago Nelly wilson umwanditsi wa filme zo kuri televiziyo akanazitunganya, ni nyuma yuko yaramaze gukora filme seburikoko yatambukaga kuri Televiziyo y'u Rwanda RBA igakundwa cyane, muri 2019 abona gushinga urubuga Zacu TV rukorera online ruzajya rwerekana Filme Nyarwanda yakoze ndetse n'izindi yaguze.
Mu mwaka 2022 Zacu Entertainment yaguzwe na Canal+ Group [3]mu rwego rwo kongerera inege abakora filme mu Rwanda Misago Nelly Wilson yagize ati: “Nishimiye gukomeza urugendo hamwe na Canal+ Group. Twese dufite intego zo gutunganya no gutanga porogaramu zifite ireme ku bakunda ibyo dukora. U Rwanda rufite abanyempano benshi ndetse n’inkuru zubaka zitaravugwa. Ntekereza ko kuba Canal+ ije gufatanya natwe ari igihe cyo kugeza filime zakorewe mu Rwanda ku ruhando mpuzamahanga.” [4]
Zacu Entertainmet mu gice cyayo ZACU TV imaze gukora filme zirangira, filme z'uruherereka zirenga 25 zigaragara ku rubuga rwabo Zacu entertainment ndetse no ku mbuga za Canal+ ecosystem.[5]
Ibikorwa
[Hindura | hindura inkomoko]Ibikorwa bya zacu Entertainment byatangiriye mu kitwaga Afriframe pictures ltd yarifite Inyarwanda nk'urubuga rwandika amakuru y'imyidagaduro mu Rwanda, nibwo bakoze Seburikoko -inkuru igamije gusetsa abantu (rwandan comedy show) y'umugabo witwa Seburikoko akiyita Sebu wari warifatiye agace kose ka Gatototo. [6] ni filme yatangiye guca kuri Televiziyo y'u rwanda kuva muri 2015 kugeza 2021, 2022 yimukira kuri ZACU TV gusa igaragara kuri Canal+
City Maid nayo ni filme ya Zacu Entertainment yatangiriye gukorwa muri Afriframe pictures kuva mu mwaka 2016 itangira kugaragara kuri televiziyo y'u rwanda [7] ikaba imaze kugira season 26 kugeza n'uyu munsi iracyakinwa.
Indoto ni inkuru ya Muhire warurangije ishuri aza i kigali gushaka akazi, Filme indoto imaze kugira season 12 na nuyu munsi iracyatambuka kuri televiziyo y'u rwanda. [8]
hagiye hakorwa n'izindi filme nyinshi harimo The Incubation[9], ishusho ya Papa, Kaliza wa Kalisa, The Bishop Family n'izindi
Ibihembo n'Ishimwe
[Hindura | hindura inkomoko]Filme Seburikoko mu nshuro ya 5 ya Rwanda Movie awards yari ihataniye imyanya 8 (8 nominations) birangira itsinze 4 aribyo Best TV series, Best Director, Best Cinematographer na Best Sound Engineer [10]
Phionah Igihozo ukina mu Indoto Series muri 2023 mu bihembo bya Rwanda International Movie Awards (RIMA) yegukanye icya Best Supporting Actress [11]
Iserukirakiramuco Mashariki African Film Festival ku nshuro yaryo ya gatanu yahaye ibihembo 2 City Maid, Laura Usanase nk'Umugore ukina muri filime y’uruhererekane mu Rwanda ndetse n'igihembo cya Filime y’uruhererekane nziza mu Rwanda [12]
Amashakiro
[Hindura | hindura inkomoko]- ↑ https://zacuentertainment.com/about
- ↑ https://www.newtimes.co.rw/article/161576/Entertainment/zacu-tv-rwandaas-first-subscription-based-video-platform-is-here
- ↑ https://www.newtimes.co.rw/article/20492/news/featured/featured-canal-rwanda-zacu-tv-promise-fresh-entertainment-with-new-movies-dubbing-hollywood-blockbusters
- ↑ https://igihe.com/imyidagaduro/sinema/article/canal-group-yaguze-zacu-entertainment-isanzwe-ifite-zacu-tv
- ↑ https://zacuentertainment.com/series
- ↑ https://rwanda.fandom.com/wiki/Seburikoko
- ↑ https://inyarwanda.com/rw/amakuru/ntuze-gucikwa-na-filime-y-uruherekane-city-maid-iributangire-69685
- ↑ https://www.imdb.com/title/tt32102461/
- ↑ https://www.igihe.com/imyidagaduro/article/ibyo-wamenya-kuri-the-incubation-filime-nshya-y-imirwano-ivuga-ku-icuruzwa-ry
- ↑ https://rwanda.fandom.com/wiki/Seburikoko
- ↑ https://inyarwanda.com/rw/amakuru/bagezweho-urutonde-rwabakinnyi-ba-filime-nyarwanda-begukanye-ibihembo-mu-2023-137554
- ↑ https://igihe.com/imyidagaduro/article/ibyishimo-kuri-seburikoko-na-nikuze-begukanye-ibihembo-muri-mashariki-amafoto