Jump to content

Tyla

Kubijyanye na Wikipedia

 Tyla Laura Seethal (wavutse 30 Mutarama 2002), uzwi ku izina rya Tyla, ni umuririmbyi akaba n'umwanditsi w'indirimbo. Imiterere ye ya muzika irangwa no guhuza injyana ya pop na amapiano, ibitangazamakuru bimwandikaho kenshi bikunze kumwita " Umwamikazi wa Popiano ".

Tyla yavukiye kandi akurira i Johannesburg, nyuma yo gushyira hanze indirimbo ye ya mbere yise " Getting Late " igakundwa ahagana mu 2021 yagiranye amasezerano na Epic Records agamije ubufatanye mu bikorwa bye bya muzika. Yamenyekanye ku rwego mpuzamahanga nyuma yo gusohora indirimbo ye 2023 yise " Water ", yinjiye mu ndirimbo icumi zabaye iza mbere mu bihugu byinshi birimo Afurika y'Epfo akomokamo, Ubwongereza na Amerika. Indirimbo ye "Water" niyo ndirimbo yambere y'umuhanzikazi wo muri Afrika yepfo yinjiye kurutonde rwitwa "Billboard Hot 100" yo muri Amerika mumyaka 55 byanamuhesheje igihembo cyambere cya 'Grammy Award' kitwa mu rurimi rwicyongereza 'Best African Music Performance'. Iyi ndirimbo yabanjirije alubumu ye ya mbere yise [2024], yasohotse mu rwego rwo gushimwa no gutsinda mu bucuruzi buciriritse, yinjiye no mu mizingo 25 igezweho mu bihugu byinshi bitandukanye biirimo na Leta Zunze Ubumwe z'Amerika.

Tyla ni we muhanzi muto kurusha abandi bo muri Afurika wabayeho wegukanye igihembo cya Grammy Award. Ibindi bihembo yahawe birimo MTV Video Music Award, BET Awards ebyiri, MTV Europe Music Awards eshatu, ndetse n'igihembo cy'icyubahiro cya Global Force Award mu muhango wa mbere wa Billboard R&B's No. 1's. Yanatorewe ibihembo bitandukanye harimo Brit Award, Ivor Novello Award, Soul Train Music Award, ndetse n'ibihembo icyenda bya South African Music Awards.

Tyla Seethal mu kiganiro cya videwo na Capital FM Kenya mu 2021.
Tyla Seethal mu kiganiro cya videwo yagiranye na Capital FM yo muri Kenya mu 2021.

Ubuzima bwo hambere

[Hindura | hindura inkomoko]

Tyla Laura Seethal [1] yavutse ku wa 30 Mutarama 2002 i Edenvale, muri Gauteng, [2] [3] mu muryango mugari w'Abahindi [4][5] Indo-Mauritian, Zulu, n'umuryango w'abakomoka muri Irilande . [6] [7] Yakuriye i Johannesburg, muri Gauteng, [8] arangiza amashuri yisumbuye muri Edenglen mu wa 2019, aho yari umuyobozi w’umuco. [9] Tyla afite abavandimwe 3, mukuru we, Whitney, na murumunawe na mushiki we muto, Tyrese na Sydney.

Mu mwaka wa nyuma w'amashuri yisumbuye, yatangiye gukora umwuga wa muzika, agashyira indirimbo z'umwimerere n'izisubiwemo kuri rukuta rwe rwa Instagram ari nako ashakisha cyane amahirwe ashoboka ngo agere ku iterambere rirambye mu muziki. Yaje kubonywa n'umuntu wa mbere wagombaga kureberera inyungu ze mu bya muzika, Garth von Glehn, wateguye amasomo ye ya mbere yo gufata amajwi. [10] Tyla yavuze ko buri weekend m'umwaka wa nyuma w'amashuri ye yisumbuye yayimaraga muri studio afata amajwi y'indirimbo.

Career

[Hindura | hindura inkomoko]

2019–2022: 'Getting Late' n'ibyo yagezeho k'urwego rw’igihugu.

[Hindura | hindura inkomoko]

Mu mpera za 2019, nyuma yo kurangiza amashuri yisumbuye,[11] Tyla yasohoye indirimbo ye ya mbere "Getting Late" mu buryo bwigenga, ifite umusaruro wa Kooldrink, maze imuha kumenyekana mu gihugu. Video yayo yashowemo imari na manaja we mu bihe bya gumamurugo by'icyorezo cya COVID-19, ikaza gusohoka muri Mutarama 2021. Iyo video yarebwe na za miliyoni z'abantu nyinshi kuri YouTube,[12] kandi yaje gutoranywa mu bihembo bya South African Music Award muri 2022 mu cyiciro cya Video nziza y’umwaka.

Icyo gihe kandi, yari arimo kwiga ibijyanye n'ubucukuzi bw'amabuye y'agaciro (Mining),[13] ariko nyuma yo kumvisha ababyeyi be no kurira cyane, bemeye kumwemerera gusubika amasomo ye ya kaminuza kugira ngo agerageze kuzamura umwuga we w’umuziki. Nyuma yaho, muri Gicurasi 2021, yasinyanye amasezerano na Epic Records binyuze mu bufatanye na Fax Records yo muri Leta Zunze Ubumwe za Amerika. Nyuma y’iyo ndirimbo ye ya mbere, yasohoye indirimbo "Overdue" mu Ukwakira 2021 na "To Last" mu Ugushyingo 2022.[14]

2023 - kugeza ubu: Iterambere mpuzamahanga hamwe na "Water"

[Hindura | hindura inkomoko]

Muri 2023, Tyla yakoze igitaramo cye cya mbere ku mugaragaro mu birori bya Dolce & Gabbana byabaye nyuma ya Milan Fashion Week,[15] nyuma yo gusohora indirimbo ye "Been Thinking", yahaye Tyla imyanya ye ya mbere ku manota ya Billboard Mainstream R&B/Hip-Hop Airplay na Rhythmic Airplay charts. Heven Haile wa Pitchfork yayisobanuye nk'indirimbo y’uburanga yo mu birori, ifite umwuka w’indirimbo z'urukundo za pop-R&B z’imyaka ya 2000 nka Ciara na Rihanna.[16] Nyuma yaho, Tyla yifatanyije na Chris Brown nk’umuhanzi ufungura urugendo rwe rw'ibitaramo "Under the Influence Tour".[17] Muri Gicurasi 2023, yasohoye indirimbo "Girl Next Door" afatanyije na Ayra Starr wo muri Nijeriya.[18] Muri Nyakanga 2023, yasohoye indirimbo "Water" nk’indirimbo iyoboye album ye ya mbere yitwa Tyla. Nyuma yo kuzamura akarasisi k'imbyino kuri TikTok, "Water" yabaye iyambere mu bihugu bitandukanye birimo Afurika y’Epfo, Leta Zunze Ubumwe za Amerika, n’Ubwongereza.[19] Tyla yabaye umuhanzi wa mbere ukiri muto wo muri Afurika y’Epfo winjiye ku rutonde rwa US Billboard Hot 100 nyuma y’imyaka 55, nyuma y’indirimbo "Grazing in the Grass" ya Hugh Masekela mu 1968.[20]

Tyla yaririmbye "Water" muri The Bianca Show muri Suwede no muri The Tonight Show Starring Jimmy Fallon muri Amerika.[21] Video yayo yasohotse ku wa 6 Ukwakira 2023, irebwa n'abarenga miliyoni 3 kuri YouTube mu minsi itatu gusa.[22] Tyla yaje gukora kuri remix y’indirimbo "Girls Need Love" ya Summer Walker, yasohotse muri Girls Mix extended play muri Ukwakira 2023. Mu mpera za Ukuboza 2023, yatangaje ko album ye ya mbere yitwa Tyla (2024) igiye gusohoka, anasohora indirimbo eshatu: "Truth or Dare", "On and On", na "Butterflies" nk’indirimbo z’ibanze zo kwamamaza iyi album. Tyla yaririmbye indirimbo nka "Water" na "Truth or Dare" mu musozo wa Season 24 ya The Voice ku wa 19 Ukuboza 2023. Muri Gashyantare 2024, yatsindiye igihembo cya mbere cya Grammy Award mu cyiciro cya Best African Music Performance bigizwemo uruhare n'indirimbo ye "Water", aba n’umuhanzi ukiri muto wa mbere w’Afurika wegukanye Grammy Award.[23]

Album ye yitwa Tyla yasohotse ku wa 22 Werurwe 2024 binyuze kuri Fax na Epic Records. Video y’indirimbo "Art" yasohokeye icyarimwe n’iyi album. Tyla yakiriwe neza n’abasesenguzi b’umuziki, maze album ye iba mu 25 za mbere mu bihugu bitandukanye birimo Leta Zunze Ubumwe za Amerika, Ubwongereza, u Buholandi, Noruveji, Nouvelle-Zélande, n’Ubusuwisi.[24] Tyla yabonye amahirwe menshi yo gutoranywa mu bihembo bya Metro FM Music Awards muri Afurika y’Epfo, aho yahawe amahirwe atandatu.[25] Nyuma yaho, yegukanye ibihembo byinshi mu 2024 BET Awards, anganya na Usher na Victoria Monét i Los Angeles, aho yagaragaye mu imbyino ya "Jump" bwa mbere hamwe na Gunna na Skillibeng.[26] Ku wa 11 Ukwakira 2024, Tyla yasohoye album ye ya mbere mu buryo bwa deluxe edition, irimo indirimbo eshatu nshya, harimo "Push 2 Start". Mu buryo bw’umuziki, "Push 2 Start" ni indirimbo ya reggae yifitemo injyana ya amapiano pop-R&B, yakiriwe neza n’abakunzi b’umuziki, video yayo ikaza gusohoka kuri YouTube ku wa 8 Ugushyingo 2024. Tyla yatanze ibitaramo muri Victoria's Secret Fashion Show 2024. Ku wa 11 Ugushyingo 2024, yagaragaye bwa mbere muri MTV Europe Music Awards (EMAs), aho yaririmbye indirimbo "Push 2 Start" na "Water".[27] Icyi gihe, yatsindiye ibihembo 3 bya EMAs mu byiciro bya ‘Best African Act’, ‘Best Afrobeats Artist’ na ‘Best R&B Artist’. Ku wa 28 Gashyantare, Tyla yagaragaye mu ndirimbo "When I'm With You" iri kuri album "Alter Ego" ya Lisa, umuraperi wo muri Tayilande.

Ubuhanzi 

[Hindura | hindura inkomoko]

Tyla akura ikitegererezo k'ubahanzi barimo Michael Jackson, Rihanna,[28] Britney Spears, Drake, Wizkid, Freshlyground, Aaliyah na Cassie.[29] Yavuze ko inzozi ze ari ukuba icyamamare cya mbere ku isi kiririmba injyana ya Pop kiva muri Afurika.[30] Kuva icyo gihe yatangiye gufatwaga nk'"Umwamikazi wa Popiano",[31] guhuza injyana ya pop na amapiano, yashizwemo bimwe mubifitanye isano n'injyana zirimo R&B na Afrobeats.[32]

Discography

[Hindura | hindura inkomoko]

Ibitaramo bizenguruka uduce

[Hindura | hindura inkomoko]

Ibihembo n'aho yitabiriye

[Hindura | hindura inkomoko]

Wareba kandi

[Hindura | hindura inkomoko]

Intanganturo

[Hindura | hindura inkomoko]
  1. ↑ Birjalal, Alyssia (11 June 2024). "From music to fashion, Tyla is making major moves as she builds her brand". Independent Online. Retrieved 10 August 2024.
  2. ↑ Zwane-Ejike, Nokuthula (12 January 2024). "A Grammy nod, big collaborations and a new album on the way – singer Tyla is unstoppable!". News24. You. Archived from the original on 28 March 2024. Retrieved 28 March 2024 – via Media24.
  3. ↑ Tjiya, Emmanuel (9 June 2023). "Tyla: The girl next door". The Sowetan. OCLC 28688177. Archived from the original on 28 March 2024. Retrieved 28 March 2024.
  4. ↑ Kelly, Jade (1 March 2021). "The Year of Tyla". Breakroom Africa. Archived from the original on 14 April 2022. Retrieved 7 September 2023.
  5. ↑ Ho Hip, Chanté (21 November 2023). "Why Tyla's global success means South Africa has to explain being coloured again". 947. Archived from the original on 24 November 2023. Retrieved 24 November 2023.
  6. ↑ "Biography: TYLA". FAX Records (Epic). Sony Music Entertainment. Archived from the original on 24 October 2023. Retrieved 24 October 2023.
  7. ↑ Murray, Robin (7 November 2022). "Track Of The Day 7/11 - Tyla". Clash. Archived from the original on 27 October 2023. Retrieved 24 October 2023.
  8. ↑ Gyre, S'bo (11 February 2024). "The magic behind the meteoric rise of Tyla, Grammy award winner and Queen of Popiano". Daily Maverick. Archived from the original on 23 March 2024. Retrieved 23 March 2024.
  9. ↑ Frans, Karien (3 March 2021). "Former Edenglen High learners releases music video". AWSUM School News (in Icyongereza). Archived from the original on 3 March 2021. Retrieved 21 September 2023.
  10. ↑ Dunn, Frankie (3 April 2021). "Tyla is on a mission to become South Africa's biggest popstar". i-D. Vice. Archived from the original on 14 August 2023. Retrieved 7 September 2023.
  11. ↑ "Archive copy". Archived from the original on 2022-04-14. Retrieved 2025-04-03.{{cite web}}: CS1 maint: archived copy as title (link)
  12. ↑ https://web.archive.org/web/20240127214634/https://www.businessinsider.com/tyla-singer-water-age-what-to-know
  13. ↑ https://web.archive.org/web/20231031142230/https://thenativemag.com/native-exclusive-tyla-south-africa/
  14. ↑ "Archive copy". Archived from the original on 2023-04-29. Retrieved 2025-04-04.{{cite web}}: CS1 maint: archived copy as title (link)
  15. ↑ https://www.glamour.co.za/celebrity-news/who-is-tyla-the-south-african-beauty-has-a-bright-future-ahead-942cee85-d785-4f9d-8d1b-17566a6fd9b3
  16. ↑ https://pitchfork.com/reviews/tracks/tyla-been-thinking/
  17. ↑ https://hypemagazine.co.za/2023/02/14/tyla-to-support-chris-brown-on-massive-uk-europe-tour/
  18. ↑ https://pitchfork.com/news/listen-to-tyla-and-ayra-starr-new-song-girl-next-door/
  19. ↑ https://web.archive.org/web/20231020172327/https://www.officialcharts.com/artist/tyla/
  20. ↑ https://www.bbc.com/news/world-africa-67064396
  21. ↑ https://www.news24.com/life/arts-and-entertainment/music/tyla-has-her-first-tv-interview-in-sweden-and-talks-about-her-song-of-the-summer-20231009
  22. ↑ https://www.iol.co.za/entertainment/music/local/tyla-clocks-3-million-views-in-3-days-breaks-all-time-spotify-listeners-record-de02e0a5-7f6f-43ac-9c85-dd8b135b5c3d
  23. ↑ https://www.forbesafrica.com/entertainment/2024/02/05/south-african-singer-tyla-wins-her-first-grammy-making-her-the-youngest-from-africa-to-hold-the-gong/
  24. ↑ https://web.archive.org/web/20240331145242/https://hitparade.ch/album/Tyla/Tyla-532455
  25. ↑ https://www.iol.co.za/entertainment/music/local/tyla-leads-metro-fm-awards-nominations-followed-by-kabza-de-small-and-tyler-icu-70a62ce5-fd27-435a-b960-5b3ad62e7851
  26. ↑ https://www.bbc.com/news/articles/c87rl4x58d1o
  27. ↑ https://vergemagazine.co.uk/award-winning-global-superstar-tyla-stuns-with-her-debut-mtv-emas-performance/
  28. ↑ https://people.com/tyla-viral-south-african-singer-what-to-know-exclusive-8399191
  29. ↑ https://www.net-a-porter.com/en-us/porter/article-ad05c2c8d4fdc68c/incredible-women/incredible-women/tyla
  30. ↑ https://web.archive.org/web/20231212174223/https://www.complex.com/music/a/ecleen-luzmila/tyla-bubbling-profile-interview
  31. ↑ https://www.vibe.com/news/entertainment/tyla-jump-2024-bet-awards-performance-1234890337/
  32. ↑ https://beatsperminute.com/album-review-tyla-tyla/

Ihuza ryo hanze

[Hindura | hindura inkomoko]
  • Urubuga bwite twa Tyla
Garuka kuri "https://rw.wikipedia.org/w/index.php?title=Tyla&oldid=124541"