Paniel Meat Processing
Paniel Meat Processing Ltd (PMP) ni izina ry’ubucuruzi rya Elite Meat Processors, kompanyi ikorera mu birwa bya morise (Mauritius) ikaba ifite ibikorwa byibanda ku musaruro no gukwirakwiza inyama ku mugabane w’ Afurika.[1][2] Elite Meat Processors yashyizweho kugira ngo igenzure kandi iyobore ibikorwa bya Paniel Meat Processing, ikaba ikorera mu birwa bya morise kandi kuva muri Ukuboza 2024 yashyizwe ku isoko ry’imari n’imigabane ryibirwa bya morise.[3]
Amavu n'amavuko
[Hindura | hindura inkomoko]Paniel Meat Processing (PMP) yashinzwe muri 2012 na Hervé Tuyishime mu Rwanda, nyuma yo gutsinda irushanwa rya Guverinoma y'u Rwanda ryahurizaga hamwe ba rwiyemezamirimo.[4]
Muri 2013, Tuyishime hamwe na PMP batsindiye igihembo cy’ubushabitsi cya REAL Fina Bank mu Rwanda.[5] Mu ntangiriro, PMP yakoreraga mu murwa mukuru Kigali. Muri 2014, kompanyi yahinduye icyerekezo yibanda ku kohereza inyama zitunganyije hanze y’igihugu, maze yimurira ibikorwa byayo i Rubavu, hafi y’umupaka wa Repubulika Iharanira Demokarasi ya Kongo.[6]
Muri 2015, Tuyishime hamwe na PMP begukanye igihembo cya mbere mu irushanwa rya SPARK ryabereye mu Rwanda.[7] Muri 2016, Tuyishime yatangije Livestock Bank, kompanyi igamije guha abahinzi n’aborozi amatungo hamwe n’ibindi bikoresho by’ubuhinzi n’ubworozi. Iyo kompanyi yaje kwihuza na PMP muri 2022.[8]
Muri 2019, PMP yari yaragutse ishyiramo ibicuruzwa bitandukanye birimo inyama z’inka, intama, ihene, n’inkoko, byose biboneka byihuse cyangwa bikonjeshejwe. Kompanyi yanashinze "PMP Transport and Logistics", igura amakamyo akonjesha n’ibikoresho byo kubika mu bukonje.[1] Kuva icyorezo cya COVID-19, PMP Transport and Logistics yabaye kompanyi yigenga yitwa TRUK Rwanda, ikora ibikorwa by’ubwikorezi n’itangwa ry’ibicuruzwa, ikorera andi masosiyete y’ibiribwa n’ubuhinzi mu karere k’Iburasirazuba bwa Afurika.[9][10]
Amashakiro
[Hindura | hindura inkomoko]- ↑ 1.0 1.1 https://www.howwemadeitinafrica.com/rwanda-entrepreneur-grows-meat-processing-business-into-a-regional-player/107881/
- ↑ https://rwandamart.rw/satisfying-meat-cravings-in-rwanda-the-unique-offerings-of-paniel-meat-processing-limited/
- ↑ https://www.stockexchangeofmauritius.com/media/10410/sem-official-notice-elite-meat.pdf
- ↑ https://www.newtimes.co.rw/article/100573/National/young-entrepreneurs-get-innovation-awards
- ↑ https://en.igihe.com/news/herve-winner-of-real-fina-bank-entrepreneurship
- ↑ https://www.igihe.com/ubukungu/ubucuruzi/article/kigali-agemura-sosiso-mu-maguriro
- ↑ https://spark.ngo/3-years-on-the-journey-of-a-competition-winner/
- ↑ https://www.fledge.co/2022/visiting-paniel-meat-processing-and-livestock-bank/
- ↑ https://empowerafrica.com/incofin-investment-management-invests-1-55-million-in-truk-rwanda-and-couvoir-amar-to-boost-agribusiness-and-nutrition/
- ↑ https://impactentrepreneur.com/solving-hunger-in-africa-with-trucks/