One&only Gorilla's Nest

One&only Gorilla's Nest ni hoteli iherereye mu gihugu cy'u Rwanda, mu ntara y'Amajyaruguru, Karere ka Musanze mu Kinigi, ikaba iherereye mu nzira yerekeza muri Pariki y'igihugu y'Ibirunga.

Amavu n'amavuko

One&only Gorilla's Nest ni hoteli ifite inyenyeri 5 ikaba yaratingije ibikorwa byayo mu Rwanda ku italiki ya 1 Kanama 2019, Ikaba yubatse ku buso bungana na hegitari (Ha) 35. Imirimo yo kuyubaka yatwaye amafaranga agera kuri miliyoni 65 z'amadorali y'Amerika.

Imiterere

One&only Gorilla's Nest yubatse mu buryo bw'imyubakire igendanye n'igihe aho ibiyubatse bidahumanya ikirere ndetse, ikaba yubatswe n'ibiti gusa uretse ibyuma biyifashe gusa, mu miterere yayo imbere itatswe n'imitako y'umuco nyarwanda nk'imigongo n'ibindi bikoresho bitandukanye byo mu muco nyarwanda.

Iyi hoteli iherereye mu ishyamba rikungahaye ku bimera aho ifite amoko arenga ibihumbi 36 y'ibimera bihinzemo, ikaba inafite umwihariko wuko imboga zakirizwa abayigana zose ariho zihingwa.

Amacumbi

Iyi hoteli ifite ibyumba 21 bibarizwa mu byiciro bine bitandukanye ari nako ibi byiciro bigiye bitandukanye ku ngano y'icyumba ndetse n'ubwiza bwa buri cyumba. Ibyo byiciro ni:

• Forest Treehouse (ugenekereje mu Kinyarwanda ni Inzu y'ibiti y'ishyamba): Icyi cyiciro kigizwe n'ibyumba icumi(10).
• Susa Treehouse (ugenekereje mu Kinyarwanda ni Inzu y'ibiti ya Susa, icyi cyiciro bacytiriye ingagi yo mu birunga yitwa Susa): Icyi cyiciro kigizwe n'ibyumba bine(4).
• Ingagi Suite (ugenekereje mu Kinyarwanda n'itsinda ry'ibyumba byagenewe umuntu umwe cyangwa umuryango umwe byitiriwe ingagi): Icyi cyiciro kigizwe n'ibyumba bitanu(5).
• Silverback Suite (ugenekereje mu Kinyarwanda n'itsinda ry'ibyumba bya Silverback byagenewe umuntu umwe cyangwa umuryango umwe, icyi cyiciro kigizwe n'ibyumba byitiriwe Ingagi yo mu birunga yitwa Silverback ikaba ari n'umuyobozi w'umuryango w'ingagi ikomokamo): Icyi cyiciro kigizwe n'ibyumba bibiri(2), bikaba bifite umwihariko wuko bishobora kwakira abayobozi bakuru b'ibihugu.