Itorero Garukurebe

Itorero Garukurebe ni itorero ry'umuco rikorera mu Karere ka Rwamagana mu Buganza. Ni itorero ryatangijwe hagamijwe gukuza no kubungabunga umuco nyarwanda, cyane cyane imbyino n'indirimbo gakondo.Itorero Garukurebe ryashinzwe mu mwaka wa 1982.rikaba ryarashinzwe na MUKAMPUNGA Janviere. Itorero Garukurebe Kugeza ubu rigizwe n’ibyiciro bitatu birimo abana bakiri bato, icy’urubyiruko ndetse n’abakuze barimo abakecuru n’abasaza. Abanyamuryango baryo bose barimo n’ab’icyubahiro bagera ku 101.

Ibikorwa by'itorero Garukurebe

• Imbyino gakondo: Itorero Garukurebe rizwi cyane mu kuzamura imbyino za kinyarwanda, aho abaryitabira baba biga imbyino ziteye amabengeza kandi zifite agaciro mu muco nyarwanda. Izi mbyino zishishikariza abakiri bato gukunda umuco wabo no kuwubungabunga.
• Indirimbo z'umuco: Itorero rikorwa indirimbo zishingiye ku muco, kandi riririmba ku buzima bwa kera, ubumwe bw’Abanyarwanda, ubutwari, n’indangagaciro za kinyarwanda.

• 

  intore

  Uburezi bw'umuco: Itorero Garukurebe rikorera abana, urubyiruko n’abakuze, rikabigisha gukunda igihugu, kubaha abakuru, no kubungabunga umuco.
• Mu mwaka wa 2003, ubwo Perezida Kagame yasuraga iyahoze ari Intara ya Kibungo, Itorero Garukurebe, mu nganzo gakondo y’umuco nyarwanda, ryasusurukije ibirori mu buryo bw’akataraboneka, ku buryo byashimishije umukuru w’igihugu ndetse n’imbaga y’abaturage yari yaje kumwakira . Icyo gihe, uwari Perefe wa Kibungo, Amb. James Kimonyo, yagejeje kuri Perezida wa Repubulika icyifuzo cy’Itorero Garukurebe cy’uko rikeneye inyoroshyangendo, maze Perezida Kagame asubiza atazuyaje ko azayibagenera. Mu mwaka wa 2015, Perezida Kagame yatangiye gutanga inkunga y’imodoka ku itorero Garukurebe, ibyo bikaba byaratumye rigira ubushobozi bwo gutanga amasomo y'umuco, kurushaho kwagura ibikorwa byaryo no gufasha mu kubungabunga no gusakaza imico n'indangagaciro z'Abanyarwanda.