Imisezero y’Abami b' u Rwanda

Umusezero wa Rwabugiri

Imisezero ni ahantu hatabarizwaga (hashyingurwaga) abami n' Abagabekazi b' u Rwanda, mu Rwanda Abami n' abagabekazi bagiye batabarizwa ahantu hatandukanye mu gihugu ariko habayeho imisezero rusange, urugero n' umusezero w' Abami w' i rutare ho mu murenge wa rutare mu karere ka Gicumbi kuri ubu. Aha i Rutare hatabarijwe Abami 11 n' Abagabekazi 2, kugeza ubu imisezero (Imva) zikigaragara ni 2 iy' umwami Kigeli IV Rwabugiri yatwaye u rwanda kuva muri 1853 _ 1895 nuwa Nyirayuhi V kanjogera, ahandi ntabimenyetso bigaragara ko hari imisezero kuko n' abaturage bahakoresha mumirimo yabo isanzwe yaburi munsi.

Abami n' Abagabekazi batarijwe i Rutare

Abami

• Kigeli IV Rwabugiri yatwaye kuva 1853 _ 1895
• kigeli I Mukobanya yatwaye ahasaga 1378 _ 1411
• Ndahiro II Cyamatare yatwaye ahayinga 1477 _ 1510
• Ruganzu II Ndoli yatwaye ahayinga 1510 _ 1543
• Mutara I Nsoro II Semugeshi yatwaye ahayinga 1543 _ 1576
• Kigeli II Nyamuheshera yatwaye ahayinga 1576 _ 1609
• Mibambwe II Sekarongoro II Gisanura yatwaye ahayinga 1609 _ 1642
• Cyilima II Rujugira yatwaye ahayinga 1675 _ 1708
• Mibambwe III Mutabazi II Sentabyo yatwaye ahayinga 1741 _ 1746
• Yuhi IV Gahindiro yatwaye ahayinga 1746 _ 1802
• Mutara II Rwogera yatwaye ahayinga 1830 _ 1853

Abagabekazi

• Nyiramibambwe III Nyiratamba
• Nyirayuhi V Kanjogera

Abami batabarijwe ahandi

• Gihamba I Ngomijana yatwaye ahasaga 1091 _ 1124 yatabarijwe i Muganza ya Kayenzi muri Kamonyi
• Ruganzu I Bwimba yatwaye ahasaga 1312 _ 1345 yatabarijwe i Nkungu na Munyaga ubu ni muri Rwamagana
• Cyilima I Rugwe yatwaye ahasaga 1345 _ 1378 yatabarijwe i Butangampundu (Mugambazi) ubu ni i Rulindo
• Yuhi II Gahima II yatwaye ahasaga 1444 _ 1477 yatabarijwe i kayenzi ya Muganda ho mu Busigi (Tumba_Byumba) ubu ni i Rulindo
• Mibambwe I Sekarongoro I Mutabazi I tatwaye ahasaga 1411 _ 1444 yatabarijwe i Remera y' abaforongo muri Rulindo
• Yuhi III Mazimpaka yatwaye ahasaga 1642 _ 1575 yatabarijwe mu kibuza cya Nkingo Ku ijuru rya Kamonyi (Yiyahuye mu manga y' urutare)
• Kigeli III Ndabarasa yatwaye ahasaga 1708 _ 1741 yatabarijwe i Kayenzi muri Kamonyi
• Mutara III Rudahigwa yatwaye kuva 1931 _ 1959 yatabarijwe i Mwima ya Busasamana muri Nyanza
• Kigeli V Ndahindurwa yatwaye kuva 1959 _ 1961 yatanze kuwa 15 mutarama 2017, yatabarijwe i Mwima ya Busasamana muri Nyanza

Abagabekazi batabarijwe ahandi

• Nyirakigeli I Nyankuge yatabarijwe ku Kabiza, i Shyorongi , Rilindo
• Nyirayuhi II Matama yatabarijwe i Remera y' Abaforongo, Rulindo
• Nyirakigeli III Rwesero yatabarijwe ku Kabira, Shyorongi, Rulindo