Icyasha

Icyasha ni filme nto cyangwa filme ngufi (short, drama family film) yakozwe 2018 ikozwe na Marie Clementine Dusabejambo, ikaba ifite iminota 16 gusa, akaba ari filme yerekanwe muri festival zitandukanye harimo na The Panafrican Film and Television Festival of Ouagadougou (Fespaco 2019)

film nto "Icyasha"

official name	"Icyasha" "Etiquette"
Directed by	Marie Clementine Dusabejambo
Screenplay by	Marie Clementine Dusabejambo
Location	Rwanda
Starring	Emmanuel Mugisha Vivine Uwamariya Jacky Umubyeyi Aboul Nzeyimana
Producers	Natacha MUZIRAMAKENGA, Malik Shaffy RIZINDE, Didacienne NIBAGWIRE (Iyugi Productions), Richard MUGWANEZA, Marie Clémentine DUSABEJAMBO
Genre	short, drama, family
Running time	16 minutes
Production	IYUGI Production SAMCITY Film house

Film nto "Icyasha" ni inkuru mpimbano ibabaje igaruka ku nkuru y'umuhungu muto w'imyaka 12 washakaga kujya akina n'abandi bahungu baturanye umupira w'amaguru ariko aho kumwakira nk'umwana mugenzi wabo bakajya bamunnyuzura bamwita amazina amusebya nka cyabakobwa biza kurangira yiyahuye, ni film ngufi ya 4 muzo Marie Clementine yakoze akoreye muri production house IYUGI Production ndetse Iyi filime ye ‘Icyasha’ kuva yayikora 2018 yitabiriye amaserukiramuco atandukanye, yari iri mu zahataniye ibihembo bya Baobab Awards in Film Africa 2018 bitangirwa mu Bwongereza, mu ntangiro z'umwaka wa 2019 yari ihatanye muri FESPACO na Rencontres du Film Court 2019 yabereye muri Madagascar.

Incamake

Icyasha mu yandi mazina yiswe ni "Etiquette" ni film ngufi y'iminota 16 igaruka ku buzima bw'umwana w'umuhungu Emmanuel Mugisha wakinnye yitwa Fils afite imyaka 12, aho yabonaga abandi bana bangana barakoze ikipe y'umupira w'amaguru mu gace k'iwabo bari batuyemo yifuza kujya akina nabo, ariko abo bana bandi bangana bakajya bamufata nabi bamunnyuzura bamuhimba amazina nka cyabakobwa bamwangira kujya mu ikipe yabo, ariko ntibyamuca intege kwikubitiro abifashjwemo na nyina wakinnye ari Vivine Uwamariye yiyemeza kubereka ko nawe ari umuhungu nkabo ibyo bashoboye abishoboye, ariko inkuru irangira umwana yiyahuye mu kagezi ko hafi y'iwabo baza kubona umurambo we nyuma.

Ni inkuru ibabaje yigisha abantu ndetse yerekana ubuzima bugoye abana bacamo iyo bahura n'ikibazo cy'ivangura rishingiye ku gitsina, imiterere cyangwa imyitwarire ko birangira bibaviriyemo ingaruka atari nziza mu mikurire yabo.

Uburyo yakozwe

Film nto "Icyasha" mu yandi mazina izwi nka "Etiquette" yanditswe ndetse iyoborwa na Marie Clementine Dusabejambo afatanyije n'inzu zitunganya film hano mu rwanda arizo Samcity Film House ihagagariwe Marie Epiphanie UWAYEZU ndetse na IYUGI Production ihagarariwe na Didacienne NIBAGWIRE

ni Film ngufi mpimbano (fiction short film) yakozwe mu mwaka 2018, ifite iminota 16, ikaba ari iya 4 ikozwe na Director Marie Clementine Dusabejambo, iyi film kandi ikaba yaragize abafatanyabikorwa (producers) ba 5 aribo Natacha MUZIRAMAKENGA, Malik Shaffy RIZINDE, Didacienne NIBAGWIRE, Richard MUGWANEZA, Marie Clémentine DUSABEJAMBO.

Amashusho y'iyi film yafashwe na Wael Gozly, Amajwi yayo afatwa na Jean Bosco NSHIMIYIMANA afatanije na Eugene Safari ihuzamashusho (editing) bikorwa na Wail Gzoly (Wael Gozly) afatanije na Richard Mugwaneza mu gihe itara (lighting) yakozwe na Jean Luc NSENGIYUMVA noneho imiyoborere ya production yose kuri set (production director) bikorwa na Liliane (Ella) MUTUYIMANA afatanije na Ciru NJOROGE na Mudjahida RIZINDE.

Ibikorwa bya nyuma (Post Production) bikorwa na AJAB PICTURE. Mu gihe amashusho yayo yose yafatiwe mu gace kamwe ko mu Rwanda.

Imenyekana

Nyuma y'uko Marie Clementine Dasabejambo nyiru filme Icyasha, amaze kuba ikirangirire mu gukora film nto zikitabira amaserukiramuco atandukanye, agakora iyi ye ya 4 byamuhesheje ikuzo kubera amaserukiramuco atandukanye yitabiriye arimo Rotterdam International Film Festival, the Göteborg Film Festival na the Film Festival yabereye muri Afurika, Aziya n’indi migabane. Ndetse ni filme iri mu zahataniye ibihembo bya Baobab Awards in Film Africa 2018 bitangirwa mu Bwongereza, mu ntangiro za 2019 yahatanye muri FESPACO na Rencontres du Film Court 2019 yabereye muri Madagascar. Festival International des Films des Femmes de Cotonou 2019 iserukiramuco rihuza abagore baba mu mwuga wa sinema ryayitoranyije nka filme igenda ihagarariye u rwanda muri iri serukiramuco, gusa nubwo yitabiriye Amaserukiramuco menshi nta gihembo iregukana.