Faustin NTEZILYAYO
Faustin Ntezilyayo yavukiye mu Karere ka Kamonyi, mu Rwanda, ku wa 20 Kanama 1962. Ni umunyamategeko w'umunyarwanda w'inararibonye, wabaye Umucamanza Mukuru w'Urwanda kuva ku wa 6 Ukuboza 2019 kugeza ku wa 3 Ukuboza 2024. [1]
Yize amategeko muri Kaminuza zitandukanye, harimo University of Antwerp aho yakuye impamyabumenyi y'ikirenga (PhD), ndetse na Free University of Brussels aho yakuye impamyabumenyi y’icyiciro cya kabiri mu mategeko y’imisoro. [2]
Mu mwuga we, Ntezilyayo yakoze mu nzego zitandukanye za Leta, harimo kuba Minisitiri w'Ubutabera hagati ya 1996 na 1999, ndetse akaba yarabaye Umuyobozi Mukuru wa Banki Nkuru y’Igihugu (Vice Governor) hagati ya 2000 na 2003. Yabaye kandi Umuyobozi Mukuru wa Rwanda Utilities Regulatory Agency (RURA) ndetse yanabaye umujyanama mu by’amategeko muri Minisiteri y’Ubucuruzi n’Inganda.
Uretse imirimo ya Leta, Dr. Ntezilyayo yanabaye umuyobozi wa banki y’imari iciriritse (AGASEKE BANK) hagati ya 2011 na 2013, ndetse akaba ari umunyamuryango wa Chartered Institute of Arbitrators (FCIArb). Yabaye kandi umucamanza mu Rukiko rw’Umuryango wa Afurika y’Iburasirazuba (East African Court of Justice) kuva mu 2013 kugeza mu 2020.
Ni umwe mu bantu bafite ubunararibonye mu mategeko no mu miyoborere, akaba yaragize uruhare runini mu mavugurura y’ubutabera mu Rwanda.[3]
Amashuri yize
[Hindura | hindura inkomoko]Nyiricyubahiro afite Dogitora mu Mategeko (PhD in Law) yakuye muri Kaminuza ya Antwerp mu Bubiligi mu 1994; Master mu Mategeko y’Imisoro (LLM in Fiscal Law) yakuye muri Kaminuza yigenga ya Bruxelles mu Bubiligi mu 1996; ndetse na Master mu by’Imibanire mpuzamahanga yihariye mu Bucuruzi mpuzamahanga (M.A in International Affairs - International Trade Policy) yakuye muri Kaminuza ya Carleton muri Kanada mu 2009.[1]