Butera Knowless

Butera Jane uzwi nka Knowless

Butera Knowless

Ni umuhanzikazi w'injyana nyarwanda.

Umuntu

Igitsina	female
Country of citi­zens­hip	Rwanda
Given name	Jeanne d'Arc
Family name	Butera
Pseudonym	Knowless
Date of birth	1 Ukwakira 1990
Place of birth	Akarere ka Ruhango
Occu­pa­tion	singer
Educated at	College of Science and Technology, Oklahoma Christian University, University Degree Program
Inst­ru­ment	voice
Genre	rhythm and blues
Award received	Primus Guma Guma Super Star

Butera Jane yavutse ku wa 2 Ukwakira 1990 kandi uzwi ku izina rya Knowless cyangwa Butera Knowless mu buryo bw'umwuga,ni umuhanzikazi w'injyana nyaRwanda. Butera yajyiye akora indirimbo nyinshi zitandukanye. Indirimbo ze zikaba zikora ku mitima ya benshi cyane cyane urubyiruko udasize n'abantu bakuru, cyane ko uyu muhanzikazi ibihangano bye biba byuzuyemo ubutumwa bwinshi.

Amateka

Butera yavukiye mu Karere ka Ruhango, akaba umwana w'ikinege wa Jean-Marie Vianney Butera na Marie Claire Uyambaje, bombi bitabye Imana. Nyina yahoze ari umuririmbyi wa mbere muri korari y'itorero ry'Abadiventisiti b'umunsi wa Karindwi . Butera yize amashuri abanza muri ESCAF i Nyamirambo, APARUDE mu mashuri yisumbuye i Ruhango na APACE i Kigali akaba yarize ikoranabuhanga. Akaba yari umwe mubagize korari yo muri APACE. Mu mwaka wa 2012, yatangiye kwiga kaminuza muri Kigali Institute of Science and Technology. Mu mwaka 2019, nibwo yasoje muri Kaminuza ya Gikirisitu ya Oklahoma akaba n'umubyeyi w'abakobwa babiri bitwa Ora na Inzora Butera.

Kaminuza ya Kigali Institute of Science and Technology, Butera yizeho

Aho Butera yavukiye

Umwuga wa muzika

Knowless yashyize ahagaragara umuzingo w'indirimbo we wa mbere, ''Komeza'' mu Kuboza 2011. Album ye ya kabiri, Uwo Ndiwe, yasohotse muri Werurwe 2013. Knowless akaba abarizwa muri label ya Kina Music.

Yakoreye mu Rwanda no mu bihugu duturanye, harimo na Uganda, kandi akorana n'abahanzi benshi barimo Abanyarwanda nka Danny, Paccy, Ciney, Jay Polly, Kamichi, Urban Boyz hamwe n'itsinda rya Vampos ryo muri Uganda. Umuhanzikazi Cecile Kayirebwa w’umunyarwanda watuye mu Bubiligi n’umwanditsi w’indirimbo w’umunyamerika R&B, Brandy Norwood nibo bahanzi afata nk'ikitegererezo. Mu mwaka wa 2021 yasohoye umuzingo mushya (album) yitwa INZORA.

Ibihembo

Stade Amahoro

Knowless yatsindiye "Umuhanzi mushya mwiza" mu marushanwa ya Salax Awards 2010. Muri Kanama 2013, yegukanye umwanya wa gatatu mu marushanwa ngarukamwaka ya Primus Guma Guma Super Star abera kuri Stade Amahoro . Muri Werurwe 2013 yatsindiye igihembo cya kabiri cya Salax -kuri iyi nshuro mu cyiciro cy'Umuhanzi w’umugore mwiza".

Muri 2013, Knowless yari umwe mu bahanzi batatu baturutse mu Rwanda baririmbye mu birori bya "Rwanda Day" byabereye i Londres. muri 2015, Knowless Butera yatsindiye Primus Guma Guma Superstar Edition ya 5 kandi ni we mugore wa mbere wegukanye amarushanwa nk'aya.