Amaterasi y'indinganire muri Gishwati
Amaterasi y'indinganire
[Hindura | hindura inkomoko]Amaterasi y'indinganire ni uburyo bukoreshwa mu gufasha kubungabunga ubutaka bwo mu misozi mu bihingwa, gukumira isuri, gufata amazi m'ubutaka, no kongera umusaruro w'ibihingwa. Ubu ni uburyo bwo guhinga imisozi kuburyo buziguye, bishoboza umuhinzi guhinga neza kandi akabona umusaruro uhagije.[1]
Amaterasi y'indinganire n'igisubizo cy'inkangu ku misozi
[Hindura | hindura inkomoko]Imisozi yo mu karere ka Nyabihu yari yaramazwe n'isuri kuko yaridukaga uko bukeye n'uko bwije mu gihe cy'imvura, ariko nyuma yo gushyirwamo amaterasi y'indinganire bivugwa ko inkangu zitagitwara ibintu.[1]
Imisozi yo muri Gishwati yakunze kurangwaho inkangu, rimwe narimwe zigatwara ubuzima bw'abantu, zikangiza ibikorwaremezo, n'ibindi. kuva umushinga wo kubungabunga ubutaka, gufata amazi no kuhira imisozi(LWH) watangira kuhakora amaterasi y'indinganire, abahinzi bemeza ko batacyikanga inkangu kandi bahinga bizeye kweza.[1]
Ubwo hatangizwa igihembwe cy'ihinga cya 2015 tariki 1 Nzeri 2014, abaturage bo mubice bya Gishwati bashishikarijwe kongera ingufu mu guhinga ku amaterasi y'indinganire kugirango bafate ubutaka bwabo neza kandi bongere umusaruro cyane ko ubuhinzi ari bwo bufatiye runini benshi mu Banyarwanda.[1]